ఎవరు ఔనన్నా ఎవరు కాదన్నా అది ప్రస్తుతానికి నాటు మందు మాత్రమే. కరోనా వైరస్ మీద ఆ నాటు మందు ప్రభావం ఎంత.? అన్నదానిపై ఎలాంటి ఖచ్చితమైన సమాచారమూ లేదు. ఆయుర్వేద మెడిసిన్.. అంటే, దానికి కొన్ని లెక్కలుంటాయి.. అధికారిక ధృవీకరణలు వుంటాయి. కానీ, ఆనందయ్య నాటు మందుకి అలాంటివేమీ లేవు. మందు వేసుకున్నవాళ్ళలో ఎంతమందికి నయమైందీ తెలియదు. నిజానికి, ప్రభుత్వానికి ఆ వివరాలు సేకరించడం పెద్ద కష్టమేమీ కాదు. అయినా, ఎందుకో ఆనందయ్య నాటు మందు గురించి మొదటి నుంచీ రాజకీయమే వెర్రి తలలు వేస్తోంది. పొలిటికల్ క్రెడిట్ కోసం మొదటి నుంచీ రెండు ప్రధాన రాజకీయ పార్టీలు పోటీ పడుతున్నాయి.
‘మూడో వేవ్ వచ్చినా సరే, దాన్ని ఎదుర్కోవడానికి సిద్ధం..’ అని ఆనందయ్య చెబుతోంటే నవ్వాలో ఏడవాలో తెలియని పరిస్థి సామాన్యుల్లో కనిపిస్తోంది. ప్రపంచ దేశాలు కరోనా వైరస్ దెబ్బకి ఉక్కిరిబిక్కిరవుతున్నాయి. ఆనందయ్య నాటు మందులో ఏమేం వుంటాయన్నది ప్రపంచమంతటికీ తెలుసు. ఆ మందులో అంత ‘విషయం’ వుంటే, ప్రపంచంలో ఎక్కడో ఏదో ఒక మూల, అలాంటి మందుని తయారు చేసేసి, మార్కెట్లోకి తెచ్చేసేవే ఔషధ తయారీ సంస్థలు. కానీ, అలా జరగడంలేదంటే, దానర్థమేంటి.? మన తెలుగు రాష్ట్రాల్లోనే తీసుకుంటే, బోల్డంతమంది నాటు వైద్యులున్నారు.. శాస్రీయ ఆధారాలతో ఆయుర్వేద మందుల్ని తయారు చేసే వైద్యులూ వున్నారు. వాళ్ళెవరికీ ఆనందయ్యలా ‘నాటుమందు’ తయారు చేయడం రాదని ఎలా అనుకోగలం.? ఎక్కడో ఏదో తేడా జరుగుతోంది. చిత్రంగా ఆనందయ్య మందు గురించి సినీ సెలబ్రిటీలు కూడా పబ్లిసిటీ షురూ చేశారు.
ఆనందయ్య మందు, ఒక్కర్ని కాపాడినా అది అభినందించాల్సిన విషయమే. కానీ, అలా కాపాడినట్లు సాక్ష్యాధారాలు కనిపించడంలేదు. ఇంకోపక్క, ఆనందయ్య మందు పేరుతో బ్లాక్ మార్కెట్లో అమ్మకాలు జోరుగా సాగిపోయాయి. ఏకంగా 25 వేలు ఆ పైన ఖర్చు చేసి కొందరు కొనుక్కున్నారట. ఇంకా అమ్మకాలు జరుగుతూనే వున్నట్లు తెలుస్తోంది. ఆనందయ్య మాత్రం, తాను ప్రభుత్వ సూచన మేరకు గతంలోనే మందు తయారీ ఆపేశానంటున్నాడు. ఇంతకీ, ఈ మ్యాజిక్ ఏంటి.? నాటు మందు రాజకీయమేంటి.? అన్నట్టు, ఆనందయ్య మందుని 167 రూపాయలకు ఓ ప్యాకెట్ చొప్పున విక్రయించేందుకు ఏకంగా ఓ వెబ్ సైట్ తయారైందంటూ టీడీపీ ఆరోపిస్తోంది. ఆ వెబ్ సైట్ అధికార పార్టీకి చెందిన నాయకుడిదట. ఆనందయ్య మాత్రం, ఆ వెబ్ సైట్ విషయంలో తమకేమీ సంబంధం లేదంటున్నాడు. ఈ వైపరీత్యాన్ని ఎలా అర్థం చేసుకోవాలట.?
696612 394898Hey there, Can I copy this post image and implement it on my personal internet log? 977806