ఆయుర్వేద ఫార్మసీ ద్వారా ఆనందయ్య మందు తయారీకి సిద్ధం

నెల్లూరు జిల్లా కృష్ణపట్నానికి చెందిన ఆనందయ్య తయారుచేస్తున్న కరోనా నివారణ మందుకు అనుమతి వస్తే.. ఆయుర్వేద ఫార్మసీ ద్వారా తయారు చేయించేందుకు సిద్ధంగా ఉన్నామని వైసీపీ ఎమ్మెల్యే చెవిరెడ్డి భాస్కరరెడ్డి తెలిపారు.

ఆయన ఆదివారం మీడియాతో మాట్లాడుతూ.. వైద్యుల బృందంతో కలిసి ఆనందయ్య తయారు చేస్తున్న ఔషధాన్ని పరిశీలించినట్టు చెప్పారు. ఆ మందులో దుష్ప్రభావానికి గురిచేసే పదార్థాలు ఏవీ లేవని వైద్యులు స్పష్టంచేశారని వెల్లడించారు. దీనిపై ఐసీఎంఆర్, ఆయుష్ నివేదికల కోసం చూస్తున్నట్టు చెప్పారు.

ఈ మందుకు అనుమతి వస్తే ఏం చేయాలనే అంశంపై చర్చించేందుకు చెవిరెడ్డి ఎస్వీ ఆయుర్వేదిక్ ఆస్పత్రి వైద్యులతో సమావేశమయ్యారు. అనంతరం దీనికి అనుమతి వస్తే ఆయుర్వేద ఫార్మసీ ద్వారా తయారు చేయించడానికి సిద్ద:గా ఉన్నట్టు ప్రకటించారు.

శేషాచలం అడవుల్లో వనమూలికలు అందుబాటులో ఉన్నాయని పేర్కొన్నారు. ఒకవేళ పరిశోధనల్లో ఇది కరోనా మందు కాదని తేలినా.. దానిని ఇమ్యూనిటీ బూస్టర్ గా వినియోగించే అంశాన్ని పరిశీలిస్తామని చెవిరెడ్డి తెలిపారు.