బిగ్ షాక్: స్వామి వారి ఆస్తులు వేలం వేస్తున్న టిటిడి.!

ప్రస్తుతం వైఎస్ జగన్ ప్రభుత్వం తాను అనౌన్స్ చేసిన పథకాలు అమలు చేయడం కోసం ప్రభుత్వ ఆస్తులను విక్రయిస్తున్న విషయం వివాదంగా మారిన సంగతి తెలిసిందే. ఓ వైపు ఇది నడుస్తుండగా, మరో వైపు టీటీడీ కూడా ఇదే పద్దతికి శ్రీకారం చుట్టింది. టిటిడి ఆస్తులను అమ్మడానికి ఏప్రిల్ 30 నుంచే ప్రొసీడింగ్స్ కూడా మొదలు పెట్టింది.

మాములుగా తిరుమల శ్రీవారికి ధన, నగదు కానుకలే కాకుండా పలువురు స్థలాలు కూడా దానం చేస్తుంటారు. అలా స్వామి వారికి ఇచ్చిన ఇళ్ల స్థలాలు దేశ వ్యాప్తంగా ఉన్నాయి. లాక్ డౌన్ లో భాగంగా ఆ స్థలాల నిర్వహణ టిటిడికి భారంగా మారిందని, చిన్న చిన్న స్థలాలు, పొలాలను కాపాడటం కష్టమనిచెప్పి ఇప్పుడు వాటిని విక్రయించడానికి టిటిడి నిర్ణయించుకుంది. తమిళనాడులోని తిరువళ్లూరు,ధర్మపురి, తిరుచ్చి,తిరుచ్చిరాపల్లి, తిరువన్నామలై,నాగపట్నం, వేలూరు, కోయంబత్తూరు,కాంచీపురం జిల్లాల్లోని సుమారు 25 స్థలాలు, ఇళ్ళు, వ్యవసాయ పొలాలను అమ్మనున్నారు.

ఇప్పటి వరకూ ఎన్ని రకాల సంక్షోభాలు రాష్ట్రంలో తలెత్తినా టిటిడికి ఆర్ధిక ఇబ్బందులు రాకపోవడానికి కారణం భక్తులు భారీగా ఇచ్చిన ఈ భూరి విరాళాలే. టిటిడి ఎప్పటికప్పుడు కీలక నిర్ణయాల పేరుతో భక్తుడిపై భారాన్ని పెంచుతూనే ఉంది. ఇది కాకుండా ఎప్పటికప్పుడు స్పెషల్ దర్శనాల పేరుతో, సుప్రభాత సేవ, ఏకాంత సేవ టికెట్లు అధిక రేట్లకి అమ్ముకుంటున్నారు.

దేవుడి మీద భక్తితో భక్తుడు ఇచ్చేదాన్ని దేవాదాయ అంటారు. అలాగే ధార్మిక వైపతి, ధర్మ రక్షణ కోసం దేవాలయాలు చేసే సేవలకు మెచ్చి ఇచ్చే డొనేషన్స్ ని ధర్మాదాయం అంటారు. అలా ఇచ్చిన ఆస్తులను విక్రయించి టిటిడి యాజమాన్యం ధార్మికతకు, తిరుమలేశుని పేరుని నాశనం చేస్తున్నారని కొందరు అంటున్నారు. కానీ టిటిడి మాత్రం ఇవేం పట్టకుండా తమపని తాము చేసుకుంటూ వెళ్తున్నారు.