Kumari Aunty foods: కొన్ని రోజులుగా సోషల్ మీడియాను షేక్ చేస్తున్న కుమారి ఆంటీ ఫుడ్స్ (Kumari Aunty foods) నిన్న ఊహించని మలుపు తిరిగింది. ఫుడ్ స్టాల్ కు అనుమతిలేదని.. ట్రాఫిక్ అంతరాయాలు కలుగుతున్న కారణంగా తొలగించాలని ట్రాఫిక్ పోలీసులు అడ్డుకున్న సంగతి తెలిసిందే. దీంతో ఈ అంశం తీవ్ర సంచలనం రేపింది. దీంతో ఆమె తీవ్ర ఆవేదన వ్యక్తం చేశారు.
కుమారి ఆంటీ ఫుడ్స్ ఎంతగా ఫేమస్ అయిందో.. ఈ అంశంతో సానుభూతిగా మారి అంతకంటే ఎక్కువే ఫేమస్ అయింది. ఇప్పుడిదే దీనిపై తెలంగాణ ప్రభుత్వం స్పందించింది. ఏకంగా సీఎం రేవంత్ రెడ్డి ఆమె ఫుడ్ స్టాల్ కు అనుమతి ఇవ్వాలని అధికారులను ఆదేశించారు. ఇప్పటివరకూ ఉన్న అదే ప్రాంతంలో ఫుడ్ స్టాల్ వ్యాపారం చేసుకోవచ్చని తెలిపారు.
కాంగ్రెస్ ప్రభుత్వం పేదల పక్షాన ఉంటుందని ఓ ప్రకటనలో తెలిపారు. త్వరలో సీఎం రేవంత్ రెడ్డి కుమారి ఆంటీ ఫుడ్ స్టాల్‌కు వెళ్లి ఫుడ్ ఆస్వాదించే అవకాశం ఉందని ప్రభుత్వ వర్గాల ద్వారా తెలుస్తోంది.