‘అల… వైకుంఠపురంములో’ చిత్రానికి భారీ వసూళ్లు, చక్కటి ప్రశంశలు వచ్చాయి. అదే సమయంలో కొన్ని విమర్శలూ వచ్చాయి. పాత తెలుగు చిత్రం ‘ఇంటి గుట్టు’ స్పూర్తితో త్రివిక్రమ్ ఈ చిత్రం తీశారనీ, ‘అల..’లో ద్వితీయార్థం అంతా ‘అత్తారింటికి దారేది’ని అటూ ఇటూ మార్చి తీసినట్టు ఉంటుందని కామెంట్స్ వినిపించాయి. వీటిపై త్రివిక్రమ్ స్పందించారు.
“పదేళ్లుగా విమర్శలు చేయడం ఫ్యాషన్ అయింది. విజయవంతమైన ప్రతి చిత్రం ఫలానా చిత్రానికి కాపీ అనో, ఆ కథ నాదేననో, మరొకటనో రచ్చ చేస్తున్నారు. ‘మగధీర’ నుండి ఇప్పటివరకూ ఈ మధ్య కాలంలో ఇటువంటి సమస్యలు, విమర్శలు ఎదుర్కొని సినిమా ఏది ఉందో చెప్పండి? ఆ విమర్శల్లో నిజం ఎంతో? అవెంత నిలబడ్డాయో అందరికీ తెలుసు” అని త్రివిక్రమ్ అన్నారు.
ప్రేక్షకులు అందరినీ మెప్పించలేమని మాటల మాంత్రికుడు అభిప్రాయపడ్డారు. “నేను ‘చిరునవ్వు’తో సినిమాలో ఒక డైలాగ్ రాశా. ఇప్పుడూ అదే చెబుతా. “ప్రపంచంలో కొంతమందికి ఆంజనేయస్వామి అంటే ఇష్టం. కొందరికి షిరిడీ సాయిబాబా, కొందరికి వెంకటేశ్వరస్వామి ఇష్టం. దేవుడే మనుషులు అందరినీ మెప్పించలేకపోయాడు. మనమెంత? (నేనెంత? అని అర్థం)” అని త్రివిక్రమ్ సమాధానం ఇచ్చారు.
అల్లు అర్జున్, పూజా హెగ్డే మధ్య లవ్ ట్రాక్ కూడా విమర్శల నుండి తప్పించుకోలేకపోయింది. కాళ్లు అని చెప్పి హీరోయిన్ తొడలు చూపించారని కొందరు విమర్శించారు. వాటిపై త్రివిక్రమ్ స్పందిస్తూ “నిజంగా అటువంటి దురాలోచనతో ఆ సన్నివేశాలు తీయడలేదు. మా మనసులో ఆ ఇంటెన్షన్ లేదు. ఒకవేళ అలా తీసి ఉంటే ప్రేక్షకులు అర్థం చేసుకోలేనంత అమాయకులు కాదు” అన్నారు. దర్శకుడిగా అండగా అల్లు అర్జున్ నిలబడ్డారు.
సంక్రాంతి విన్నర్, ఇండస్ట్రీ హిట్ అని పోస్టర్లు వేయడం గురించీ త్రివిక్రమ్ మాట్లాడారు. “సినిమా విడుదలైన పది, పన్నెండు రోజుల తర్వాత ఇండస్ట్రీ హిట్ అని అనౌన్స్ చేశాం. వసూళ్లు ఒక్క రూపాయి తక్కువ వచ్చాయని చెప్పినా అల్లు అరవింద్ గారు ఒప్పుకుంటారు. కానీ, ఒక్క రూపాయి ఎక్కువ చెబితే తాట తీస్తారు. రిజల్ట్ అర్థమైన తర్వాతే సంక్రాంతి హిట్ అని పోస్టర్ వేశాం” అని త్రివిక్రమ్ చెప్పారు.
104477 102773Some genuinely good and useful information on this site , besides I feel the style contains great capabilities. 190599
278013 923837It is practically impossible to uncover knowledgeable males and females during this topic, however you sound like do you know what youre discussing! Thanks 358523
563727 333837Real amazing information can be found on web blog . 523759
871161 518818Constructive criticism is generally looked upon as becoming politically incorrect. 319424
865912 326277Hi there! Very good post! Please do tell us when I could see a follow up! 924468