వారం గ్యాప్‌ లో మూడవ అగ్ని ప్రమాదం

తమిళనాడు శివ కాశి బాణా సంచా తయారీకి పేరు ఉన్న ప్రాంతం. అక్కడ అగ్ని ప్రమాదాలు అనేవి చాలా కామన్‌ గా జరుగుతూ ఉంటాయి. పెద్ద ఎత్తున అగ్ని ప్రమాదాలు జరుగుతున్నా కూడా స్థానికులు బతుకు తెరువు కోసం బాణా సంచా తయారీ కోసం వెళ్లడం జరుగుతుంది. బాణాసంచా తయారీ కేంద్రాల్లో వరుసగా పేళుడు జరుగుతున్న నేపథ్యంలో స్థానికులు ఆందోళన వ్యక్తం చేస్తున్నారు. వారం రోజుల గ్యాప్‌ లో ఏకంగా మూడు సార్లు పేళుడు జరిగి అగ్ని ప్రమాదం జరిగింది.

నిన్న రాత్రి సమయంలో మరోసారి పేలుడు జరిగి పెద్ద ఎత్తున మంటలు ఎగసి పడ్డాయి. ఫైర్ ఇంజిన్ లు సైతం వెళ్లడానికి వీలు పడనంతగా మంటలు ఎగసి పడుతున్న సమయంలో ఫైర్ సిబ్బంది చాకచక్యంగా మంటలను అదుపులోకి తీసుకు వచ్చారు. ఈసారి ప్రమాదంలో 15 మందికి తీవ్ర గాయాలు అయ్యాయి అంటూ సమాచారం అందుతోంది. అందులో ఇద్దరు ముగ్గురు సీరియస్ గా ఉన్నారు. ప్రమాదంలో ఆరుగురు మృతి చెందినట్లుగా ప్రాధమిక సమాచారం అందింది. కొత్త తరహా ఫ్యాన్సీ రకం బాణా సంచా తయారు చేస్తున్న సమయంలో ఎక్కువగా ఈ ప్రమాదాలు జరుగుతున్నట్లుగా స్థానికులు అనుమానాలు వ్యక్తం చేస్తున్నారు.