తాలిబన్ల అరాచకం.. ఆయన్ను దారుణ హత్య

అఫ్ఘానిస్తాన్ ను ఆక్రమించిన తాలిబన్లు తమ అరాచక పాలన కొనసాగిస్తున్నారు. ఇన్నాళ్లు తమకు వ్యతిరేకంగా ఉన్న వారందరికి కూడా క్షమాభిక్ష పెట్టినట్లుగా ప్రకటించినా కూడా ఆ మాట మీద ఉండటం లేదు. వారు అక్కడ తమకు వ్యతిరేకంగా సాగారు అనిపిస్తే వారిని అత్యంత దారుణంగా చంపేయడం జరుగుతుంది. తాలిబన్ల అరాచకాలు ఆగడం లేదు. వారు మహిళలను అత్యంత దారుణంగా అఘాయిత్యాలు చేయడంతో పాటు మహిళలను పూర్తిగా ఇంటికే పరిమితం అవ్వాలని ఆర్డర్‌ జారీ చేయడం జరిగింది.

ఇక అఫ్ఘాన్ కు చెందిన ప్రముఖ జానపద గాయకుడు ఫవాద్ అందరాబీని తాలిబన్లు పొట్టన పెట్టుకున్నారు. అఫ్ఘాన్స్ లో చైతన్యం తీసుకు వచ్చేందుకు చాలా పాటలు పాడిన ఫవాద్ ను తాలిబన్లు హత్య చేశారు. ఈ విషయాన్ని ఫవాద్ తనయుడు తెలియజేశారు. కొన్ని రోజుల క్రితం కొందరు తాలిబన్లు మా ఇంటికి వచ్చారు. వారు మా నాన్నతో ఆ సమయంలో బాగానే మాట్లాడారు. కాని ఏమయ్యిందో ఏమో కాని మా నాన్న ను హత్య చేశారు అంటూ ఫవాద్ తనయుడు పేర్కొన్నాడు. ఇలా ఇంకా ఎంతో మంది తమ ప్రాణాలను పోగొట్టుకోవాల్సిందే అంటూ స్థానికంగా భయాందోళనలు వ్యక్తం అవుతోంది.