సందీప్ కిషన్ కెరీర్ హిట్స్, ప్లాప్స్ తో సమంగా సాగిపోతోంది. ఈ నేపథ్యంలో సందీప్ కిషన్ నటించిన కామెడీ ఎంటర్టైనర్ చిత్రం గల్లీ రౌడీ. టాలెంటెడ్ నటుడు బాబీ సింహా కీలక పాత్రలో నటించిన ఈ చిత్రం థియేటర్లలో విడుదలైంది. మరి ఈ చిత్రం ఎలా ఉందో చూద్దాం.
కథ:
తనకు జరిగిన అవమానానికి ప్రతీకారం తీర్చుకోవడం కోసం వాసును (సందీప్ కిషన్)ను రౌడీగా తయారుచేస్తాడు తన తాత. ఆ రకంగా గల్లీ రౌడీగా మారిన వాసుకు వెంకట్ రావు (రాజేంద్ర ప్రసాద్)కు సంబంధించిన ప్రాపెర్టీను అక్కడే రౌడీ పోలీస్ అయిన రఘు నాయక్ (బాబీ సింహా) నుండి కాపాడాల్సి వస్తుంది. రఘు నాయక్ కారణంగా బాబీ సింహా ఎలాంటి పరిస్థితులను ఎదుర్కొన్నాడు. రఘు నాయక్ కు వెంకట్ రావు ప్రాపెర్టీకి సంబంధం ఏంటి? వంటి విషయాలు సినిమా చూసి తెలుసుకోవాలి.
నటీనటులు:
సందీప్ కిషన్ తన ఎనర్జిటిక్ పెర్ఫార్మన్స్ తో అదరగొట్టాడు. కాకపోతే కొన్ని చోట్ల అవసరమైన దానికంటే ఎక్కువ ఎనర్జీ చూపించాడు. ఇక కొన్ని హీరోయిజం సన్నివేశాలు ఓవర్ బోర్డ్ అయినట్లు అనిపించాయి. బాబీ సింహాకు ఎక్కువ లెంగ్త్ ఉన్న పాత్ర దొరికింది కానీ తన విలనిజాన్ని 90ల కాలంలో విలన్లలా డిజైన్ చేయడంతో అంత ఎఫెక్టివ్ గా అనిపించదు.
నేహా శెట్టి క్యూట్ గా ఉంది. సందీప్ తో ఈమె కెమిస్ట్రీ చూడముచ్చటగా కూడా ఉంది. రాజేంద్ర ప్రసాద్, వైవా హర్ష, పోసాని కృష్ణ మురళి తదితరులు తమ పరిధుల మేరకు నటించారు. వెన్నెల కిషోర్ కామెడీ ట్రాక్ వేస్ట్ అయింది.
సాంకేతిక నిపుణులు:
సందీప్ కిషన్ తో తెనాలి రామకృష్ణ బిఏ బిఎల్ చిత్రాన్ని తెరకెక్కించిన జి నాగేశ్వర రెడ్డి ఈ చిత్రాన్ని డైరెక్ట్ చేసాడు. దానిలా ఈ చిత్రాన్ని కూడా లౌడ్ కామెడీ ఎంటర్టైనర్ గా డిజైన్ చేసాడు. కమర్షియల్ ఎలెమెంట్స్ కూడా ఉండేలా చూసుకున్నాడు. అయితే ఓల్డ్ రొటీన్ స్క్రీన్ ప్లే ఈ చిత్రానికి ప్రతిబంధకంగా మారింది. రామ్ మిరియాల, సాయి కార్తీక్ సంగీతం పర్వాలేదు. రెండు పాటలు బాగున్నాయి. కానీ వాటిని చిత్రీకరించిన విధానం నిరాశపరుస్తుంది. సుజాత సిద్ధార్థ్ సినిమాటోగ్రఫీ ఓకే. చోటా కె ప్రసాద్ ఎడిటింగ్ పర్వాలేదు. నిర్మాణ విలువలు డీసెంట్ గా ఉన్నాయి.
ప్లస్ పాయింట్స్:
- ప్రీ ఇంటర్వెల్ కిడ్నప్ డ్రామా
- కొన్ని ఎంటర్టైనింగ్ ఎపిసోడ్స్
మైనస్ పాయింట్స్:
- కథ
- ఔట్ డేట్ నరేషన్
విశ్లేషణ:
ఒక ఫార్ములా ప్రకారం నడిచే గల్లీ రౌడీ విషయంలో టైట్ స్క్రీన్ ప్లే ఉండి ఉంటే బాగుండేది. ఎగ్జిక్యూషన్ కూడా అంత గొప్పగా ఏం లేదు. సందీప్ కిషన్, బాబీ సింహా, రాజేంద్ర ప్రసాద్ తమ పాత్రలకు న్యాయం చేసినా కానీ క్యారెక్టర్లను పైపైన నడిపించేసిన విధానం, సినిమాతో ట్రావెల్ అయ్యేలా చేయదు. ఆ విషయంలో సినిమా నిరుత్సాహపరుస్తుంది.
తెలుగుబులెటిన్ రేటింగ్: 2/5
977506 219779Conveyancing […]we like to honor other internet sites on the internet, even if they arent related to us, by linking to them. Below are some websites worth checking out[…] 789312
164184 354838This is a very good weblog. Keep up all the function. I too adore to blog. This is fantastic every person sharing opinions 641711