Sreeleela: యంగ్ హీరోయిన్ శ్రీ లీల( Sree Leela) టాలీవుడ్ లో జోరు చూపిస్తోంది. రవితేజ( Ravi Teja) నటించిన ‘ధమాకా( Dhamaka)’ హిట్ అవ్వడంతో స్టార్ హీరోల సరసన నటించే అవకాశం కొట్టేసింది. ఈమె చేతిలో ప్రస్తుతం ఏకంగా 7 సినిమాలున్నాయి. దీంతోపాటు ఈ యంగ్ బ్యూటీ ఓ ఇంటర్నేషనల్ మూవీలో నటించే ఆఫర్ కొట్టేసినట్లు వార్తలు వస్తున్నాయి.
‘చెన్నై స్టోరీ’ అనే ఓ ఇంగ్లీష్ మూవీ లో నటించడానికి ఓకే చెప్పిందట. ఫిలిప్ జాన్ డైరెక్ట్ చేయనున్న ఈ సినిమాలో ఇంగ్లాండ్ కి చెందిన వివేక్ కల్రా హీరోగా నటిస్తున్నాడు. లండన్ యువకుడికి, చెన్నై యువతి కి మధ్య జరిగే ప్రేమ కథగా ఈ సినిమా రూపొందుతోంది.
అయితే తొలుత ఈ ప్రాజెక్ట్ కోసం స్టార్ హీరోయిన్ సమంత( Samantha) ను సంప్రదించారట. ఆమెకు ఆరోగ్యం సహకరించకపోవడంతో ఆ ఆఫర్ శ్రీ లీలా తలుపు తట్టింది. అయితే ఈ సినిమాకి ఆమె కాల్షీట్లు సర్దలేని పరిస్థితి లో ఉందట. ప్రస్తుతం ఈమె పవర్ స్టార్ పవన్ కళ్యాణ్( Pavan Kalyan) తో ‘భగత్ సింగ్’ లో నటిస్తోంది. మహేష్ బాబు( Mahesh Babu)తో జంటగా ‘గుంటూరు కారం’ లోనూ నటిస్తోంది. దీంతోపాటు కొన్ని పెద్ద ప్రాజెక్టులు ప్రస్తుతం శ్రీ లీల చేతిలో ఉన్నాయి. ఇవన్నీ ఓ కొలిక్కి వచ్చాక హాలీవుడ్ ప్రాజెక్ట్ స్టార్ట్ చేస్తుందట. దీనిపై మరిన్ని వివరాలు తెలియాల్సి ఉంది.