Spy Movie Review: కార్తికేయ 2 తర్వాత ప్యాన్ ఇండియా ఇమేజ్ సంపాదించుకున్న నిఖిల్, ఈసారి స్పై తో మన ముందుకు రానున్నాడు. ఈ స్పై చిత్రంపై నిఖిల్ మంచి అంచనాలే పెట్టుకున్నాడు కూడా. ట్రైలర్ తో ఆకట్టుకున్న ఈ చిత్రం మరి ఎలా ఉందో చూద్దామా.
కథ:
శ్రీలంకలో పని చేసే ఒక రా ఏజెంట్ జై (నిఖిల్). ప్రధానమంత్రి కార్యాలయానికి ఒక ఉగ్రవాది పంపిన వీడియో కారణంగా జై కి తన ఆచూకీ కనుక్కోవాల్సిన అవసరం పడుతుంది. అయితే ఇదే ఉగ్రవాది కారణంగా తన జీవితంలో పెద్ద విషాదం జరిగిందని కూడా తెలుసుకుంటాడు.
ఇక ఈ మిషన్ నేతాజీ సుభాష్ చంద్రబోస్ కు ఎలా లింక్ అయింది? దాని తర్వాత ఏం జరిగింది అన్నది ప్రధాన కథాంశం.
నటీనటులు:
ఒక స్పై పాత్రలో నిఖిల్ చక్కగా ఒదిగిపోయాడు. అయితే ఈ రోల్ లో పెద్దగా ఛాలెంజింగ్ అంశాలు కూడా పెద్దగా లేవు. అయినా కానీ నిఖిల్ బాగా చేసాడనే చెప్పాలి. ఐశ్వర్య మీనన్ కు దక్కిన చిన్న పాత్రలోనే మెప్పించింది. కమెడియన్ అభినవ్ గోమఠం పూర్తి నిడివి ఉన్న పాత్ర దక్కింది. తను బాగానే చేసాడు. ఆర్యన్ రాజేష్, మకరంద్ దేష్పాండే తదితరులు చిత్రానికి అవసరమైన రీతిలో నటించారు.
సాంకేతిక నిపుణులు:
ఎడిటర్ గా ప్రతిభ నిరూపించుకున్న గ్యారీ ఈ చిత్రం ద్వారా దర్శకుడిగా పరిచయమయ్యాడు. అయితే పేరుకే స్పై థ్రిల్లర్ అయినా ఇందులో పెద్దగా ట్విస్టులేం ఉండవు. కథాకథనాలు మనం ఊహించినట్లుగానే జరుగుతాయి. చిత్ర ఫస్ట్ హాఫ్ డీసెంట్ నోట్ లో సాగిపోతుంది. అయితే సెకండ్ హాఫ్ విషయంలోనే సమస్య అంతా ఉంది. అసలు నేతాజీ ట్రాక్ ఈ చిత్ర మెయిన్ ప్లాట్ లో సరిగ్గా ఇమడలేదు అనిపిస్తుంది.
స్క్రీన్ ప్లే లోని లోపాల కారణంగా చిత్ర నిడివి తక్కువే ఉన్నా కానీ సాగదీసిన ఫీలింగ్ వస్తుంది. ఇక చిత్రంలోని పాటలు, బ్యాక్ గ్రౌండ్ మ్యూజిక్ మరో మైనస్ అని చెప్పాలి. సినిమాటోగ్రఫీ బాగుంది. నిర్మాణ విలువలు బాగున్నాయి.
ప్లస్ పాయింట్స్:
- నిఖిల్
- విజువల్స్
మైనస్ పాయింట్స్:
- ఊహించదగ్గ నరేషన్
- నేతాజీ ట్రాక్
- థ్రిల్స్ లేకపోవడం
విశ్లేషణ:
బిలో యావరేజ్ గా అనిపించే స్పై లో పెద్దగా హై మూమెంట్స్ అంటూ లేవు. ఫస్ట్ హాఫ్ పర్లేదు అనిపించినా మెయిన్ కంప్లైంట్ అంతా సెకండ్ హాఫ్ లోనే ఉంది. నిఖిల్ బాగానే కష్టపడ్డప్పటికీ స్పై థ్రిల్లర్ కు ఉండాల్సిన లక్షణాలు లేకపోవడంతో బిలో యావరేజ్ గా అనిపించొచ్చు.
తెలుగు బులెటిన్ రేటింగ్: 2.25/5