శాకినీ డాకిని మూవీ రివ్యూ

రెజీనా కాసాండ్రా, నివేతా థామస్ లీడ్ రోల్స్ లో నటించిన చిత్రం శాకినీ డాకిని. సుధీర్ వర్మ డైరెక్ట్ చేసిన ఈ చిత్రం ఈరోజే విడుదలైంది. మరి అది ఎలా ఉందో చూద్దామా.

కథ:

దామిని (రెజీనా), షాలిని (నివేతా థామస్) పోలీస్ అకాడమీలో ట్రైన్ అవ్వడానికి వచ్చిన ట్రైనీస్. మొదట్లో వీరిద్దరికీ అస్సలు పడదు. అయితే కొన్ని రోజులకు మంచి స్నేహితులు అవుతారు. అయితే ఒకరోజు అర్ధరాత్రి ఒక అమ్మాయి కిడ్నప్ కు గురవుతుంది. పోలీస్ లకు చెబితే పట్టించుకోరు. ఇక చేసేది లేక దామిని, షాలిని ఇన్వెస్టిగేషన్ వాళ్ళే మొదలుపెడతారు.

ఇన్వెస్టిగేషన్ లో భాగంగా వాళ్లకు కొన్ని భయంకరమైన నిజాలు తెలుస్తాయి. ఈ కిడ్నప్ ల వెనకాల పెద్ద మాఫియా ఉన్నట్లు స్పష్టమవుతుంది. మరి ఇలాంటి గ్యాంగ్ నుండి అమాయకపు అమ్మాయిలను ఈ దామిని, షాలిని ఎలా రక్షించారు?

నటీనటులు:

రెజీనా, నివేతా ఇద్దరూ కూడా మంచి పెర్ఫార్మన్స్ లు ఇచ్చారు. రెజీనా తనకు అలవాటైన రీతిలో ఆకట్టుకునేలా నటించింది. నివేతా తనకే సాధ్యమైన నటనతో, కామెడీ పంచ్ లతో హైలైట్ గా నిలిచింది. ఫస్ట్ హాఫ్ లో ఒక ఫ్రెష్ వైబ్ ను తీసుకొచ్చింది.

రఘుబాబు, పృథ్వీ, సుదర్శన్, తదితరులు కామెడీ పాత్రల్లో నటించి మెప్పించారు. పోలీస్ అకాడమీ ఇంచార్జ్ గా భానుచందర్ చాలా కాలం తర్వాత కనిపించారు.

సాంకేతిక వర్గం:

మిడ్ నైట్ రన్నర్స్ చిత్రాన్ని హీరోలతో కాకుండా హీరోయిన్లతో తీయాలన్న దర్శకుడు సుధీర్ వర్మ ఆలోచన మంచిదే అయితే ఈ కథలో చెప్పుకోదగ్గ కొత్త అంశమంటూ ఏం లేదు. ఇలాంటి కాన్సెప్ట్స్ మనం చాలానే చూసేసాం. రిచర్డ్ ప్రసాద్ అందించిన సినిమాటోగ్రఫీ సూపర్బ్. ముఖ్యంగా నైట్ షాట్స్ బాగున్నాయి. విప్లవ్ ఎడిటింగ్ వర్క్ కూడా బాగుంది.

మిక్కీ అందించిన బ్యాక్ గ్రౌండ్ స్కోర్ లో పెద్దగా విశేషమంటూ ఏం లేదు. జస్ట్ ఓకే అనేలా ఉంది. లిమిటెడ్ బడ్జెట్ లో తెరకెక్కిన ఈ చిత్రానికి నిర్మాణ విలువలు బాగానే ఉన్నాయి.

పాజిటివ్ పాయింట్స్:

• లీడ్ ఆర్టిస్ట్స్ పెర్ఫార్మన్స్
• ఫస్ట్ హాఫ్
• తక్కువ రన్ టైమ్

నెగటివ్ పాయింట్స్:

• ఎమోషనల్ కనెక్టివిటీ లేకపోవడం
• రొటీన్ వ్యవహారం

విశ్లేషణ:

క్రైమ్ కామెడీ జోనర్ లో తెరకెక్కిన శాకినీ డాకిని ఒక సీరియస్ ఇష్యూ చుట్టూ తిరుగుతుంది. ఫస్ట్ హాఫ్ ఇచ్చిన పాజిటివ్ ఫీలింగ్ ను సెకండ్ క్యారీ చేయలేకపోయింది. మొత్తంగా చూసుకుంటే ఏ అంచనాలు లేకుండా వెళితే ఒకసారి చూడొచ్చు.