అసలే లాక్ డౌన్.. బోలెడంత ఖాళీ.. ఎంచక్కా రోజూ రెండు పెగ్గులేసి పడుకుందామంటే మందు దొరకడంలేదాయె. దీంతో పిచ్చిక్కిపోతున్న మందుబాబులు ఎందరో ఉన్నారు. ఇది నాణానికి ఒకవైపే. ఇక నాణానికి మరోవైపు చూద్దాం.. కావాల్సిన బ్రాండ్ ఎంత కావాలంటే అంత.. చక్కగా ఇంటికే వచ్చేస్తోంది. కాకపోతే కాస్త ఖర్చవుతుంది అంతే. కరోనా వంటి విపత్కర కాలంలో మందు కోసం ఆ మాత్రం మనీ వెచ్చించక తప్పదు కదా? లాక్ డౌన్ వేళ సరికొత్త మద్యం దందా ఇది. వైన్ షాపులకు వేసిన తాళాలు వేసినట్టే ఉంటున్నాయి. కానీ లోపల సీసాలన్నీ ఖాళీ అయిపోతున్నాయి. తెలుగు రాష్ట్రాల్లో చాలాచోట్ల ఇదే పరిస్థితి.
ఎక్సైజ్ అధికారులతో అవగాహన ఉంటే ఇవి బయటకు రావు. కానీ అందరు అధికారులు అలాగే ఉండరు కదా? అందుకే షాపులు తీయించి సరుకు లెక్క తేల్చాలని భావించారు. హైదరాబాద్ లోని ఓ మద్యం దుకాణం తెరచి చూసి లోపలకు వెళ్లిన అధికారులు ఒక్కసారిగా అవాక్కయ్యారు. లాక్ డౌన్ ప్రకటన నాటికి పూర్తి మద్యం సీసాలతో ఉన్న ఆ షాపులో ఒక్కటంటే ఒక్క సీసా కూడా కనిపించలేదు. దీంతో జరిగిందేమిటో అర్థం చేసుకుని ఆ దుకాణానికి సీలు వేశారు.
తాజాగా ఏపీలోని ప్రకాశం జిల్లా అద్దంకిలో ఇలాంటి ఘటనే జరిగింది. ఓ మద్యం దుకాణంలో లెక్కలో ఉన్న 78 సీసాలు మాయమయ్యాయి. అవి ఏమయ్యాయని ఎక్సైజ్ అధికారులు అడగ్గా.. సిబ్బంది తడుముకోకుండా ఎలుకలు తాగేశాయని సమాధానం ఇచ్చారు. అలా తాము అక్రమంగా అధిక ధరలకు అమ్మేసిన సీసాలను ఎలుకల ఖాతాలో వేసేశారు. విచిత్రంగా ఎక్సైజ్ సీఐ కూడా అదే రాసుకున్నారు.
కాకపోతే తాగేశాయంటే నమ్మరని.. సీసాలను ఎలుకలు కొరికేయడంతో వాటిలోని మద్యం అంతా కారిపోయిందని పేర్కొన్నారు. విచిత్రం ఏమిటంటే.. ఆ ఖాళీ సీసాలు కూడా అక్కడ కనిపించలేదు. మాయదారి మూషికాలు గాజుసీసాలను కొరికి అందులో ఉన్న మద్యాన్ని తాగేశాయంట అని స్థానికులు సెటైర్లు వేసుకుంటున్నారు.
223703 618460Discovering the proper Immigration Solicitor […]below you will discover the link to some web sites that we believe you should visit[…] 471706
311799 813165Wonderful information a lot of thanks sharing and reaching us your subscriber list. 617470
688859 802336Hello! I merely would like to give a huge thumbs up for the fantastic information youve here on this post. I may well be coming back to your weblog for more soon. 660981