Prabhas : యంగ్ రెబల్‌ స్టార్ ప్రభాస్ గత ఏడాది సలార్ సినిమాతో ప్రేక్షకుల ముందుకు వచ్చిన విషయం తెల్సిందే. ఆ సినిమా భారీ బ్లాక్ బస్టర్ విజయాన్ని సొంతం చేసుకుంది. ఇక ప్రభాస్ నుంచి కల్కి మరియు రాజాసాబ్‌ సినిమాలు రాబోతున్నాయి. ఇదే సమయంలో మరికొన్ని సినిమాల చర్చలు కూడా జరుగుతున్నాయనే విషయం తెల్సిందే.
ప్రస్తుతం చేస్తున్న సినిమాలు కాకుండా సీతారామం దర్శకుడు హనురాఘవపూడి దర్శకత్వంలో ప్రభాస్ ఒక సినిమాను చేసేందుకు కమిట్ అయ్యాడు. ఇప్పటికే సినిమాకు సంబంధించిన స్క్రిప్ట్‌ వర్క్‌ ప్రారంభం అయ్యింది. తాజాగా అందుతున్న సమాచారం ప్రకారం ఈ సినిమా కోసం మ్యూజిక్ సిట్టింగ్స్ గోవాలో ప్రారంభం అయ్యాయి.
సంగీత దర్శకుడితో పాటు పలువురు ఈ సిట్టింగ్స్ కు హాజరు అవుతున్నారు. ప్రస్తుతం లండన్ లో ఉన్న ప్రభాస్ వచ్చిన తర్వాత కల్కి కి సంబంధించిన బ్యాలన్స్ వర్క్‌ పూర్తి చేయబోతున్నాడు. ఆ తర్వాత ప్రభాస్ మరియు హను రాఘవపూడి మూవీ పట్టాలెక్కే అవకాశాలు ఉన్నాయి.
ప్రభాస్ కోసం ఆసక్తికర కాన్సెప్ట్ తో సినిమాను రూపొందించేందుకు దర్శకుడు హను రాఘవపూడి స్క్రిప్ట్‌ రెడీ చేశాడు. ప్రస్తుతం ప్రభాస్ కి ఉన్న ఇమేజ్ కు తగ్గట్లుగా భారీ పాన్ ఇండియా మూవీగా హను రాఘవపూడి ఈ సినిమాను ప్లాన్ చేస్తున్నట్లుగా సమాచారం అందుతోంది.