పోలవరం ప్రాజెక్టు సమీప భవిష్యత్తులో పూర్తవుతుందా.? లేదా.? ఈ విషయమై చాలా అనుమానాలున్నాయి. వైసీపీ సర్కారు చెబుతున్నదాన్ని బట్టి చూస్తోంటే, ఇప్పట్లో పోలవరం ప్రాజెక్టు పూర్తి కాదు. ఎందుకంటే, డయాఫ్రమ్ వాల్ దెబ్బ తింది కాబట్టి. ఈ విషయాన్ని స్వయంగా జల వనరుల శాఖ మంత్రి అంబటి రాంబాబు కుండబద్దలుగొట్టేస్తున్నారు.
‘డయాఫ్రమ్ వాల్ దెబ్బ తిందనేది మా అభిప్రాయం..’ అంటున్న మంత్రి అంబట్టి, ‘దీన్ని ఏ సంస్థా ధృవీకరించలేదు.. ఈ విషయాన్ని చెప్పే సంస్థలు ప్రపంచంలో ఎక్కడా లేవు..’ అని సెలవిచ్చారు. ‘డయాఫ్రమ్ వాల్ ఎంత మేర దెబ్బ తిందనే అంశంపై నేషనల్ హైడ్రో పవర్ కార్పొరేషన్ ద్వారా అధ్యయనం జరుగుతోంది..’ అని కూడా చెప్పారు.
అధ్యయనం తర్వాతే డయాఫ్రమ్ వాల్ దెబ్బతిందా.? లేదా.? అనేది తేలుతుందనీ సెలవిచ్చారు అంబటి రాంబాబు. ఒకదానితో ఒకటి పొంతనలేని మాటలుగా కనిపిస్తున్నాయ్ కదా.? దెబ్బ తిందనేది మా అభిప్రాయం.. ఈ విషయాన్ని ధృవీకరించే సంస్థలు ప్రపంచంలో ఎక్కడా లేవు.. డయాఫ్రమ్ వాల్ దెబ్బ తిందనే అంశంపై నేషనల్ హైడ్రో పవర్ కార్పొరేషన్ ద్వారా అధ్యయనం జరుగుతోంది.. ఇలా ఈ మాటల్లో దేనికీ ఒకదానితో ఒకటి పొంతన కనిపించదు.
డయాఫ్రమ్ వాల్ వ్యవహారం తేలితే తప్ప ఎర్త్ కమ్ రాక్ ఫిల్ డ్యామ్ పనులు జరగవు. సో, పోలవరం ప్రాజెక్టు పనులు ముందుకు కదలబోవన్నమాట. పోలవరం జాతీయ ప్రాజెక్టు. ఎవరి అభిప్రాయాలతోనే ప్రాజెక్టు నిర్మాణ పనులు ఆగిపోయే పరిస్థితి రావడమంటే, అంతకన్నా హాస్యాస్పదం ఇంకేముంటుంది.? ప్రాజెక్టుకి సంబంధించి ఓ సమస్య వస్తే, దాన్ని అంచనా వేయడానికి ప్రపంచంలో ఏ సంస్థలకీ అంత సీన్ లేదని చెప్పడమేంటో.?
అన్నట్టు, నేషనల్ హైడ్రో పవర్ కార్పొరేషన్ ద్వారా అధ్యయనం జరుగుతోందని కూడా వైసీపీ ప్రభుత్వమే చెబుతోంది. ఏంటో, ఈ మొత్తం వ్యవహారం చూస్తోంటే, పోలవరం ప్రాజెక్టుని కావాలనే తొక్కిపెట్టే ప్రయత్నాలు జరుగుతున్నాయన్న అనుమానాలు కలుగుతున్నాయ్.
తప్పెవరిది.? అన్న విషయాన్ని పక్కన పెడితే.. ఎవరు అధికారంలో వున్నాగానీ, పోలవరం ప్రాజెక్టుకి పట్టిన రాజకీయ గ్రహణం మాత్రం వీడటంలేదు. పోలవరం ఆంధ్రప్రదేశ్ జీవనాడి.. దురదృష్టమేంటంటే, ఈ రాజకీయం కారణంగా పోలవరం ప్రాజెక్టు తాలూకు జీవం పోతోంది.
435022 200361For some cause the picture just isnt loading appropriately, is at this time there an issue? 68980
447944 392071Hello, you used to write wonderful, but the last several posts have been kinda boringK I miss your tremendous writings. Past several posts are just a little out of track! come on! 972916