మెగా కాంపౌండ్ పనైపోయిందా.? వాళ్ళకేమన్నా మతి పోయిందా.?

బుర్ర తక్కువ సన్నాసులు.! ఔను, లేకపోతే ఏంటి.? నూట యాభై సినిమాలకు పైగా చేసిన మెగాస్టార్ చిరంజీవి, ఒకే ఒక్క సినిమా ‘ఆచార్య’తో డీలా పడతారా.? నవ్విపోదురుగాక వాళ్ళకేటి సిగ్గు.? మెగాస్టార్ చిరంజీవి కావొచ్చు, పవర్ స్టార్ పవన్ కళ్యాణ్ కావొచ్చు, మెగా కాంపౌండ్‌లో ఇంకో హీరో ఎవరైనా కావొచ్చు.! ఆ మాటకొస్తే, సినీ పరిశ్రమలో ఎవరినైనా కావొచ్చు.. ఒక్క సినిమాతో ‘పనైపోయింది’ అనడం అవివేకం.!

‘నువ్వసలు సినిమాలకే పనికి రావు..’ అని చిరంజీవి మొహమ్మీదే కెరీర్ మొదట్లో కొందరు అన్నారట. అలాగని, చిరంజీవి అక్కడితో జర్నీ ఆపెయ్యలేదు కదా.? హీరో గోపీచంద్ హీరోగా ఫెయిలయి, విలన్ వేషాలు వేసి.. ఆ తర్వాత హీరోగా నిలదొక్కుకున్నాడు. చెప్పుకుంటూ పోతే, ఇలాంటివి చాలానే కనిపిస్తాయ్ తెలుగు సినీ పరిశ్రమలో.

‘ఆచార్య’ ఫ్లాప్.. ‘గని’ ఫ్లాప్.. ‘రంగ రంగ వైభవంగా’ కూడా ఫ్లాప్.. సో, మెగా కాంపౌండ్ పనైపోయింది. ఇదీ, కొందరు మూర్ఖుల వాదన. పవన్ కళ్యాణ్ పాత సినిమా ‘జల్సా’ మళ్ళీ విడుదల చేస్తే, రికార్డులు బద్దలైపోయాయ్.! ఓ స్టార్ హీరో స్టామినా ఏంటన్నది ప్రతిసారీ నిరూపించుకోవాల్సిన అవసరం లేదు. కొత్త సినిమా వచ్చిన ప్రతిసారీ, ఆ రేంజ్ కనిపిస్తుంటుంది.

ఫలానా హీరో పనైపోతే, దర్శకులైనా నిర్మాతలైనా అటువైపు చూడరు. కానీ, మెగా కాంపౌండ్‌లో హీరోలెవరూ ఇప్పుడు ఖాళీగా లేరు.. ఒక్క అల్లు శిరీష్ తప్ప.! అబ్బే, అల్లు శిరీష్ మెగా కాంపౌండ్ కాదనే ‘పిచ్చ లాజిక్కులు’ లాగితే, అంతకన్నా హాస్యాస్పదం ఇంకేముంటుంది.?

సోకాల్డ్ చెత్త మీడియా, మెగా కాంపౌండ్ మీద వార్తలు రాయడం మానేస్తే (నెగెటివ్ అయినా, పాజిటివ్ అయినా) అప్పుడు కాస్త అనుమానపడాలి.. మెగా కాంపౌండ్ పనైపోయిందేమోనని.! అంతేగానీ, నిత్యం మెగా కాంపౌండ్ మీద పడి ఏడిస్తే తప్ప తమ కడుపు నిండదని సదరు చెత్త మీడియా అదే పనిలో బిజీగా వున్నంత కాలం.. మెగా కాంపౌండ్‌కి తిరుగు లేదనే కదా అర్థం.?

మెగా కాంపౌండ్ మీద పడి ఏడిస్తే తప్ప తమకు గతి లేదనే దుస్థితిలో సోకాల్డ్ మీడియా వుందంటే.. అదీ మెగా కాంపౌండ్ ఘనత.! అలాంటోళ్ళకి కూడా పరోక్షంగా మెగా కాంపౌండ్ తిండి పెడుతోందన్నమాటే కదా.!