Ustaad Bhagat Singh : పవన్ కళ్యాణ్ రాజకీయాలతో ఫుల్ బిజీగా ఉన్న సమయంలో అనూహ్యంగా, ఆశ్చర్యకరంగా ఉస్తాద్‌ భగత్ సింగ్ టీజర్ వచ్చింది. ఈ సినిమా షూటింగ్‌ లో పవన్ కళ్యాణ్ వారం రోజులు కూడా పాల్గొనలేదు అనేది ఆ మధ్య దర్శకుడు హరీష్ శంకర్ మాట. అయినా కూడా టీజర్ కట్ చేశాడు.
టీజర్ లో గాజు గ్లాస్ కి సంబంధించిన డైలాగ్‌ ఫ్యాన్స్ కి తెగ ఎక్కేసింది. ఎన్నికల సమయంలో తన పార్టీ జనసేన సింబల్‌ అయిన గాజు గ్లాస్ గురించి ఈ సినిమాలో డైలాగ్‌ ఉండటంతో రాజకీయంగా కూడా చర్చనీయాంశం అయ్యింది. గ్లాస్ పగిలే కొద్ది మరింత పదునెక్కుద్ది అంటూ పవన్ చెప్పిన డైలాగ్‌ ప్రత్యర్థి రాజకీయ పార్టీలకు వార్నింగ్‌ అంటూ జనసేన నాయకులు మాట్లాడుకుంటూ ఉన్నారు.
తాజాగా పవన్ కళ్యాన్ గాజు గ్లాస్ డైలాగ్‌ కి సంబంధించి మాట్లాడుతూ.. ఇలాంటి డైలాగ్స్‌ సినిమాల్లో పెట్టడం నాకు ఇష్టం ఉండదు. కానీ దర్శకుడు హరీష్ శంకర్ బాధ పడలేక అందుకు ఒప్పుకున్నాను అంటూ చెప్పుకొచ్చాడు. నన్ను బలవంతం చేసి మరీ ఒప్పించాడు అన్నట్లుగా పవన్ చెప్పుకొచ్చాడు.