ఈ కొమరం భీంలో రొమాంటిక్ యాంగిల్ ఎక్కువేనట.!

నిజాం రాక్షస పాలనకు వ్యతిరేకంగా పోరాడిన యోధుడు కొమరం భీం. అడవితల్లి బిడ్డగా, ఆ అడవితల్లి బిడ్డల హక్కులకోసం పోరాటం చేసి నిజాం గుండెల్లో చెమటలు పుట్టించాడు. అలాంటి కొమరం భీం కథ తెరపైకి తెస్తున్నాడు దర్శక ధీరుడు రాజమౌళి.

బాహుబలి తరువాత రాజమౌళి దర్శకత్వంలో తెరకెక్కుతున్న క్రేజీ చిత్రం ఆర్ ఆర్ ఆర్. రామ్ చరణ్ తో పాటు ఎన్టీఆర్ నటిస్తున్న ఈ క్రేజీ మల్టి స్టారర్ పై ఇప్పటికే దేశవ్యాప్తంగా ఓ రేంజ్ బజ్ క్రియేట్ అయింది. ప్రస్తుతం ఫిలిం సిటీలో వేసిన ప్రత్యేకమైన సెట్స్ లో శరవేగంగా షూటింగ్ జరుగుతుంది. ఈ సినిమాలో చరణ్ అల్లూరి సీతారామరాజు గా కనిపిస్తే .. ఎన్టీఆర్ కొమరం భీం పాత్రలో కనిపించనున్నాడు.

తాజాగా ఎన్టీఆర్ కు జోడిగా హాలీవుడ్ హీరోయిన్ ని ఎంపిక చేసారు. ఈ సినిమాలో ఎన్టీఆర్ తో ఆ హాలీవుడ్ హీరోయిన్ రొమాంటిక్ సీన్స్ బాగానే ఉంటాయట. కొమరం భీం అంటే వీరుడు అనే అనుకున్నాం .. కానీ ఆయనలోని రొమాంటిక్ కోణాన్ని కూడా చూపించే ప్రయత్నం చేస్తున్నాడు జక్కన్న. ప్రస్తుతం ఎన్టీఆర్ , ఆ హాలీవుడ్ హీరోయిన్ పై రొమాంటిక్ సీన్స్ చిత్రీకరిస్తున్నారట.

అలాగే రామ్ చరణ్ సరసన బాలీవుడ్ భామ అలియా భట్ నటిస్తుంది. ఇప్పటికే రామ్ చరణ్ తో అలియా భట్ ఉన్న సన్నివేశాల చిత్రీకరణ పూర్తయింది. ఇందులో అలియా కేవలం 15నిమిషాలు మాత్రమే ఉంటుందట. ఇక శరవేగంగా షూటింగ్ జరిపి ముందుగా ప్రకటించినట్టుగా వచ్చే ఏడాది జులై 30న సినిమాను విడుదల చేయాలనీ ఫిక్స్ అయ్యారు. అన్నట్టు ఈ సినిమాను ఏకంగా 10 భాషల్లో విడుదల చేస్తారట.