Trisha: మెగాస్టార్ (Mega Star) చిరంజీవి (Chiranjeevi) హీరోగా తెరెకెక్కుతున్న కొత్త సినిమా ‘విశ్వంభర’ (Vishwambhara). కెరీర్లో ఆయనకు ఇది 156వ సినిమా. వశిష్ఠ (Vassishta) దర్శకత్వంలో సినిమాను భారీ స్థాయిలో తెరకెక్కిస్తున్నారు. త్రిష (Trisha) హీరోయిన్ గా నటిస్తున్న ఈ సినిమా షూటింగ్ శరవేగంగా జరుగుతోంది. ఇప్పుడీ సినిమాపై ఓ ఆసక్తికరమైన అప్డేట్ వైరల్ అవుతోంది.
సినిమాలో త్రిష ద్విపాత్రాభినయం చేస్తున్నట్టు ఇంట్రెస్టింగ్ న్యూస్ టీటౌన్ లో వైరల్ అవుతోంది. అతి ముఖ్యమైన ఒక పాత్రలో త్రిష కనిపిస్తుందని.. కథలో ఆమె పాత్ర కీలకంగా ఉంటుందని తెలుస్తోంది. ఈ వార్తతో సినిమాపై అంచనాలతోపాటు అభిమానుల్లో ఆసక్తి రేకెత్తిస్తోంది. ఇప్పటికే త్రిషపై కీలక సన్నివేశాలు, చిరంజీవితో ఒక పాట తెరకెక్కించినట్టు సమాచారం.
సోషియో ఫాంటసీ నేపథ్యంలో ‘విశ్వంభర’ తెరకెక్కుతోంది. ఇప్పటికే విడుదల చేసిన ప్రోమో సినిమాపై అంచనాలు పెంచింది. యూవీ క్రియేషన్స్ బ్యానర్లో సినిమా నిర్మిస్తున్నారు. సినిమాకు సంగీతం కీరవాణి అందిస్తూండగా.. చోటా కె.నాయుడు సినిమాటోగ్రఫీ అందిస్తున్నారు. వచ్చే ఏడాది 2025 జనవరి 10న సంక్రాంతికి సినిమా విడుదలవుతుంది.