నటీనటులు: విశాల్, తమన్నా..
నిర్మాత: శ్రీనివాస్ అడెపు
దర్శకత్వం: సుందర్ సి
సినిమాటోగ్రఫీ: డ్యూడ్లీ
మ్యూజిక్: హిప్ హాప్ తమిజ
ఎడిటర్: ఎన్.బి శ్రీకాంత్
విడుదల తేదీ: నవంబర్ 15, 2019
రేటింగ్: 2.5
స్వతహాగా తెలుగు వాడు కానీ హీరో అయ్యింది మాత్రం తమిళంలో, మొదటి నుంచి తమిళంతో పాటు, తెలుగులో కూడా తన సినిమాలు రిలీజ్ చేస్తూ మాస్ హీరోగా పేరు తెచ్చుకున్న హీరో విశాల్. ‘అభిమన్యుడు’, ‘పందెం కోడి 2’ లాంటి హిట్స్ తర్వాత విశాల్ నుంచి వస్తున్న యాక్షన్ థ్రిల్లర్ మూవీ ‘యాక్షన్’. తమన్నా హీరోయిన్ గా నటిస్తున్న ఈ సినిమాకి సుందర్ సి దర్శకత్వం వహించారు. విశాల్ కెరీర్లో మొదటి సారి సుమారు 55 కోట్ల బడ్జెట్ తో రూపొందించిన ఈ సినిమా నేడు ప్రేక్షకుల ముందుకు వచ్చింది. మరి ఈ యాక్షన్ థ్రిల్లర్ సీట్ ఎడ్జ్ లో కూర్చొని ఎంజాయ్ చేసేలా చేసిందా లేదా అనేది చూద్దాం.
కథ:
సుభాష్ (విశాల్) మిలిటరీలో ఓ కల్నల్, అలాగే ఆంధ్రప్రదేశ్ ముఖ్యమంత్రి రెండవ కొడుకు. ఆంధ్రప్రదేశ్ లో సుభాష్ ఫాదర్ నేతృత్వంలో జరిగిన ఓ పబ్లిక్ ఈవెంట్ లో ప్రధాన మంత్రి కాండిడేట్ గుప్తని బాంబ్ బ్లాస్ట్ లో చంపేస్తారు. టెర్రరిస్టులతో కుమ్మక్కయ్యి సుభాష్ అన్నయ్య మరియు డిప్యూటీ సీఎం శ్రవణ్(రాంకీ) ఆ బాంబ్ బ్లాస్ట్ చేసాడని వార్తలు వస్తాయి. దాంతో శ్రవణ్ సూసైడ్ చేసుకుంటాడు. అలాగే సుభాష్ తనకి కాబోయే భార్య మీర(ఐశ్వర్య లక్ష్మి)ని కూడా ఈ బాంబ్ బ్లాస్ట్ లో కోల్పోతాడు. దీనిని పర్సనల్ గా తీసుకున్న సుభాష్ ఈ బాంబ్ బ్లాస్ట్ వెనకాల అసలు నిజానిజాలు తెలుసుకోవడం మొదలు పెడతాడు. అలా కథ ఇండియన్ మోస్ట్ వాంటెడ్ టెర్రరిస్ట్ అయిన సయ్యద్ ఇబ్రహీం మల్లిక్(కబీర్ సింగ్) కి లింక్ అవుతుంది. అసలు ఈ బాంబ్ బ్లాస్ట్ కి మల్లిక్ కి సంబంధం ఏమిటి? ఇందుకోసం గుప్త ని చంపాల్సి వచ్చింది.? పాకిస్థాన్ సెక్యూరిటీలో సేఫ్ గ ఆన్న మల్లిక్ ని సుభాష్ ఎలా చేరుకున్నాడు? చివరికి మల్లిక్ ని ఇండియా తీసుకొచ్చారా? లేదా అన్నదే కథ.
సీటీమార్ పాయింట్స్
ఆన్ స్క్రీన్:
‘యాక్షన్’ ఇదొక యాక్షన్ – థ్రిల్లర్ మూవీ.. అందుకే ముందుగా యాక్షన్ ఎపిసోడ్స్ గురించి మాట్లాడుకుందాం. సినిమాలోని ప్రతి యాక్షన్ ఎపిసోడ్ ఛేజింగ్ ఫార్మట్ లోనే ఉంటుంది. టర్కీలో షూట్ చేసిన విశాల్ – తమన్నా ఇంట్రడక్షన్ బ్లాక్, విశాల్ – ఆకాంక్ష పూరి మధ్య లండన్ లో జరిగే ఇంటర్వల్ బ్లాక్, సెకండాఫ్ లో వచ్చే అల్గోర్నియా ఛేజింగ్ ఎపిసోడ్స్ ఆడియన్స్ కి మంచి ఫీల్ ని ఇస్తాయి. అలాగే సెకండాఫ్ లో బ్యాంక్ హాకింగ్ బ్లాక్ కూడా సస్పెన్స్ ఫీల్ ని ఇస్తుంది. ఇకపోతే ఫస్ట్ హాఫ్ లో సినిమాకి కీలకం అయిన ఎమోషనల్ ఎపిసోడ్స్ డీసెంట్ గా ఉన్నాయి. అందువల్ల ఫస్ట్ హాఫ్ లో ఎక్కడా డ్రాప్ ఉండదు. అలాగే సెకండాఫ్ కూడా మొదటి 30 నిమిషాలు స్పీడ్ గానే ఉంటుంది.
ఇక నటన పరంగా చూసుకుంటే.. విశాల్ సీరియస్ మిలిటరీ కల్నల్ పాత్రలో బాగా చేసాడు. ముఖ్యంగా యాక్షన్ ఎపిసోడ్స్ విషయంలో చాలా కష్టపడ్డాడు, తన కష్టానికి తగ్గట్టుగానే ఆ ఎపిసోడ్స్ కి మంచి మార్క్స్ పడ్డాయి. తమన్నా మొదటి సారి సీరియస్ అండ్ యాక్షన్ స్కిల్స్ తో అందరినీ సర్ప్రైజ్ చేసింది. తన పాత్రకి పూర్తి న్యాయం చేసింది. అలాగే ఒక పాటలో తన మాస్ ఆడియన్స్ తన నుంచి ఆశించే గ్లామర్ తో కూడా మెప్పించింది. ముఖ్యంగా పాటలోని బికినీ ట్రీట్ మాస్ ఆడియన్స్ కి స్పెషల్ గిఫ్ట్ అని చెప్పాలి. నెగటివ్ షేడ్స్ ఉన్న పాత్రలో ఆకాంక్ష పూరి సూపర్బ్ గా చేసింది. రిస్కీ స్టంట్స్ తో పాటు, ఓ పాటలో గ్లామర్ తో మాస్ ఆడియన్స్ చేత విజిల్స్ వేయించుకుంది. మిగిలిన పాత్రలు చేసిన రాంకీ, కబీర్ సింగ్, ఐశ్వర్య లక్ష్మీ, ఛాయా సింగ్ తదితరులు తమ పాత్రల పరిధిమేర నటించారు. యోగిబాబు ఉన్న రెండు సీన్స్ లో మనల్ని కాస్త నవ్విస్తాడు. షారా పాత్ర కూడా కొంత నవ్విస్తాడు.
ఆఫ్ స్క్రీన్:
టెక్నికల్ టీం పరంగా అంటే ప్రొడక్షన్ డిజైనింగ్ అని చెప్పాలి. సినిమా ఎక్కడ కావాలంటే అక్కడ లొకేషన్స్ ఇచ్చి సౌత్ ఇండియన్ స్క్రీన్ పై చూడని చాలా లొకేషన్స్ లో షూట్ చేసి ఆడియన్స్ కి ఓ మంచి ఫీల్ వచ్చేలా డిజైన్ చేశారు. ప్రొడక్షన్ వాల్యూస్ సింప్లీ సూపర్బ్. ఆ రిచ్ నెస్ ని పర్ఫెక్ట్ గా చూపించిన క్రెడిట్ మాత్రం డిఓపి డ్యూడ్లీకి చెందుతుంది. అతని ఫ్రెమింగ్ అండ్ షూట్ చేసిన విధానం చాలా బాగున్నాయి. కొన్ని చోట్ల అతను ట్రై చేసిన డిఫరెంట్ మేకింగ్ తెలుగువారికి కొత్తగా అనిపిస్తుంది. అతని విజువల్స్ కి హిప్ హాఫ్ తమిళ బ్యాక్ గ్రౌండ్ మ్యూజిక్ చాలా హెల్ప్ అయ్యింది. ముఖ్యంగా యాక్షన్ ఎపిసోడ్స్ కి ఇచ్చిన మ్యూజిక్ బాగుంది. అలాగే యాక్షన్ కొరియోగ్రాఫర్స్ చేసిన అన్ని ఛేజింగ్ యాక్షన్ చాలా బాగున్నాయి. సుందర్ సి డైరెక్టర్ గా 60% మార్క్స్ కొట్టేశాడని చెప్పాలి.
మైనస్ పాయింట్స్
ఆన్ స్క్రీన్:
ఆన్ స్క్రీన్ పరంగా చెప్పుకోవాలంటే.. కథా పరంగా మూవీ ప్లే ఓకే అయినప్పటికీ సెకండాఫ్ చివరి 30 నిమిషాలు చాలా స్లో అయిపోతుంది. యాక్షన్ థ్రిల్లర్ సినిమాల్లో సెకండాఫ్ మిడిల్ లో ప్లానింగ్ లో భాగంగా స్లో అవ్వడం కామన్, కానీ ప్రీ క్లైమాక్స్ మరియు క్లైమాక్స్ ఎపిసోడ్స్ మరియు ట్విస్ట్స్ నెక్స్ట్ లెవల్ లో ఉండేలా ప్లాన్ చేసి ఆడియన్స్ కి ఓ మంచి ఫీల్ ఇచ్చి థియేటర్ నుంచి పంపుతారు. కానీ ఈ సినిమాలో అది మిస్ అయ్యింది. అంతవరకూ ఆసక్తికరంగా అనిపించినా చివరి 20 నిమిషాలు మాత్రం నిరాశపడతారు. ఎందుకంటే అప్పటికే మూడు లాంగ్ ఛేజింగ్ ఎపిసోడ్స్ చూసి ఇక చాలు ఇలాంటివి ఒక్కటన్నాహీరో – విలన్ కి డైరెక్ట్ ఫైట్ పెట్టండి అని ఎదురు చూస్తున్న ఆడియన్స్ కి ప్రీ క్లైమాక్స్ ఛేజ్ ఫైట్ బోర్ కొడుతోంది. అలాగే క్లైమాక్స్ లో కూడా పెద్ద థ్రిల్స్ ఏం లేకపోవడం ఇంకా నీరుగార్చేస్తుంది. సెకండాఫ్ లో తమన్నా పాట అట్రాక్షన్ అయినా సినిమా ఫ్లోకి చిన్న డిస్టర్బన్స్ అనిపిస్తుంది. ఫస్ట్ హాఫ్ లో ఎమోషనల్ పెయిన్ బాగుంది కానీ దానిని నెక్స్ట్ లెవల్ కి తీసుకెళ్ళే సీన్స్ సెకండాఫ్ లో లేకపోవడం వలన కథలో ఎమోషనల్ కనెక్షన్ కాస్త మిస్ అవుతుంది. ఫస్ట్ హాఫ్ లో అక్కడక్కడా స్లోగా అనిపించడం, ఎంటర్టైన్మెంట్ కూడా కొందరికి నచ్చకపోవచ్చు.
ఆఫ్ స్క్రీన్:
ఎప్పుడూ సినిమాకి కథే హీరో.. ఆ హీరో విషయంలో సుందర్ సి పెద్దగా కష్టపడలేదు. యాక్షన్ థ్రిల్లర్ జానర్ లో మూవీ అనగానే అందరిలీనే చాలా మంది చేసేసిన ఓ మిలిటరీ ఆఫీసర్ పాకిస్థాన్ టెర్రరిస్ట్ మీద రివెంజ్ తీర్చుకోవడం అనే సేమ్ టు సేమ్ పాయింట్ నే తీసుకున్నారు. తెలుగు, తమిళ్, హిందీతో పాటు హాలీవుడ్ సినిమాల్లో మనం చాలా సార్లు చూసేసిన కథే. దాన్ని మనం చూసి చూడనట్టు వదిలేద్దామనుకోవాలంటే కథనంతో అయినా ఆకట్టుకోవాలి. కానీ కథనం కూడా చాలా చాలా వీక్ గా ఉంది. సినిమా వెళ్ళే విధానాన్ని మనం ముందే ఊహించేయగలం. కథనంలో చేసిన మరో మేజర్ మిస్టేక్.. ఇది యాక్షన్ థ్రిల్లర్ మూవీ.. యాక్షన్ తో పాటు అదిరిపోయే నాలుగైదు థ్రిల్స్ అండ్ ట్విస్ట్స్ ఉండాలి. కానీ ఇందులో మనల్ని థ్రిల్ చేసేలా ఒక్క ట్విస్ట్ కూడా లేకపోవడం బాధాకరం. కేవలం యాక్షన్ ఎపిసోడ్స్ మీదే దృష్టి పెట్టారు. ఆ థ్రిల్స్ కనుక ఉండి ఉంటే సినిమా రిజల్ట్ ఇంకోలా ఉండేది.
యాక్షన్ సినిమాల్లో హీరో – విలన్ మధ్య జరిగే యాక్షన్ బ్లాక్ మాత్రమే ఆడియన్స్ కి కిక్ ఇస్తుందనే చిన్న లాజిక్ ని డైరెక్టర్ సుందర్ సి మిస్ అయ్యాడు. అంతకు మించి ఒక టెర్రరిస్ట్ పాత్రని అంతలా ఎస్టాబ్లిష్ చేసినప్పుడు, హీరో అతన్ని పట్టుకోవడం కోసం అతని సామ్రాజ్యంలోకే వచ్చినప్పుడు విలన్ హీరోకి చుక్కలు చూపించాలి అప్పుడే విలనిజం హైలైట్ అవుతుంది. ఆ టైంలో హీరో వాడిని కొడితే ఆడియన్స్ ఫీలింగ్ పీక్స్ కి వెళ్తుంది. కానీ ఈ బేసిక్ పాయింట్ ని మిస్ అయ్యి, ఇండియాని భయపెట్టిన విలన్ ని చివరికి బఫూన్ ని చేయడం పెద్ద డిజప్పాయింట్ మెంట్ అనే చెప్పాలి. అలాగే అన్నీ ఛేజింగ్ యాక్షన్ బ్లాక్స్ మాత్రమే కాకుండా కొన్ని మాన్ టు మాన్ యాక్షన్ ఎపిసోడ్స్ పెట్టాల్సింది. అలాగే ఎమోషనల్ కంటెంట్ ని కూడా ఇంకా బెటర్ గా ప్రెజంట్ చేసే కొన్ని సీన్స్ ఉంటే సెకండాఫ్ లో ఇంకా బెటర్ ఫీల్ వచ్చేది. జస్ట్ మేకింగ్ పరంగా డైరెక్టర్ సక్సెస్ అయినప్పటికీ కథ – కథనం పరంగా ఫెయిల్ అయ్యాడు. ఇక ఎడిటర్ ఎన్. శ్రీకాంత్ ఎడిటింగ్ బాగుంది. కానీ లెంగ్తీ యాక్షన్ సీక్వెన్స్ లను ఇంకాస్త కట్ చేసి ఉండవచ్చు. తెలుగు డైలాగ్స్ జస్ట్ ఓకే అనేలా ఉన్నాయి.
విశ్లేషణ:
విశాల్ – తమన్నాలను యాక్షన్ అవతార్ లో ప్రెజెంట్ చేసిన ‘యాక్షన్’ మూవీ జస్ట్ ఓకే అనేలా ఉందే తప్ప గొప్పగా ఉంది అనేలా లేదు. డైరెక్టర్ సుందర్ సి సినిమాకి ‘యాక్షన్’ అనే టైటిల్ పెట్టడం వలన అనుకుంటా కేవలం యాక్షన్ ఎపిసోడ్స్ మీదే దృష్టి పెట్టి మిగిలిన అన్నిటినీ అనగా థ్రిల్స్, ట్విస్ట్స్, బెటర్ ఎమోషనల్ సీన్స్ ని లైట్ తీసుకున్నాడని క్లియర్ గా తెలుస్తుంది. ఆయన గ్రాండ్ విజువల్స్ ఉండాలి అని లొకేషన్స్ మరియు మేకింగ్ మీద పెట్టిన శ్రద్ధతో సగం బెటర్ స్క్రిప్ట్ మరియు స్క్రీన్ ప్లే మీద పెట్టి ఉంటే సినిమా యావరేజ్ అని కాకుండా సూపర్ హిట్ అనే టాక్ ని తెచ్చుకునేది. ఓవరాల్ గా చెప్పాలి అంటే ‘యాక్షన్’ సినిమా గ్రాండ్ విజువల్స్ తో కూడిన యాక్షన్ సినిమాలు ఇష్టపడే వారికి మాత్రమే బెటర్ ఫిల్మ్ అనిపిస్తుంది. మిగతా వారికి జస్ట్ యావరేజ్ గా అనిపించే సినిమా ‘యాక్షన్’.
ఫైనల్ పంచ్: యాక్షన్ – యాక్షన్ ఓకే, థ్రిల్స్ లేవేంటమ్మా.?
976837 194992I came across this very good from you out of sheer luck and never think lucky enough to say also credit you for any job well done. 751032
691837 959124Currently it seems like BlogEngine is the best blogging platform out there correct now. (from what Ive read) Is that what you are using on your blog? 808751
287968 732818You wouldnt feel it but Ive wasted all day digging for some articles about this. You may be a lifesaver, it was an superb read and has helped me out to no finish. Cheers! 659127
964911 719875Excellent beat ! I wish to apprentice whilst you amend your web web site, how can i subscribe for a blog site? The account aided me a appropriate deal. I had been a bit bit acquainted of this your broadcast provided bright clear notion 536917
353636 344643hi there, your website is discount. Me thank you for do the job 652055