జనసేన అధినేత పవన్ కళ్యాణ్, సినిమాకి సంబంధించి ఓనమాలు నేర్చుకున్నది విశాఖపట్నంలోనే. విశాఖ మీద ఆయనకున్న మమకారం అంతా ఇంతా కాదు. ఉత్తరాంధ్ర సంస్కృతికి అద్దం పట్టేలా ఆయన సినిమాల్లో ఆ ప్రాంతానికి చెందిన జానపదాల్ని ప్రత్యేకంగా ప్రస్తావించేవారాయన. ప్రస్తుతం రాష్ట్రంలో మూడు రాజధానుల చూట్టూ రాజకీయాలు హీటెక్కాయి. ఈ నేపథ్యంలో జనసేన అధినేత అందరికీ ‘ఈజీ టార్గెట్’ అవుతున్నారు.
పవన్ కళ్యాణ్ని రాజకీయంగా విమర్శించడానికి ‘అవినీతి అనో.. ఇంకోటనో’ ఛాన్సుండదు గనుక, ఏదో ఒక అర్థం పర్థం లేని అంశాన్ని తెరపైకి తీసుకురావాల్సి వుంటుంది రాజకీయ ప్రత్యర్థులకి. వైసీపీ ఎమ్మెల్యే రోజా కూడా అదే పని చేశారు. విశాఖ మీద పవన్కి అక్కసు ఎందుకు.? విశాఖని ఎందుకు ఎగ్జిక్యూటివ్ క్యాపిటల్ కాకుండా వ్యతిరేకిస్తున్నారు.. అని జనసేనపై ‘జబర్దస్త్’గా గుస్సా అయిపోయారు రోజా.
‘అమరావతి రైతులకు న్యాయం చెయ్యండి..’ అని పవన్ కళ్యాణ్ నినదిస్తే అది విశాఖ మీద ‘కోపం’గా కన్పిస్తోంది వైఎస్సార్సీపీ ఎమ్మెల్యే రోజాకి. విశాఖ మీద అంత ప్రేమ వైఎస్ జగన్ మోహన్రెడ్డికి వుంటే, అమరావతిలో కాకుండా విశాఖలో ఇల్లు కట్టుకుని వుండాల్సింది కదా.! ‘అమరావతిలోనే రాజధాని వుంటుంది.. అందుకే అమరావతిలోనే వైఎస్ జగన్ ఇల్లు కట్టుకున్నారు..’ అని గతంలో ఇదే రోజమ్మ సెలవిచ్చారు. అంటే, అప్పట్లో బహుశా వైఎస్ జగన్కి విశాఖ అంటే ‘కోపం’ అయి వుండాలి.! రోజా మాటల్ని అలాగే అర్థం చేసుకోవాల్సి వుంటుంది మరి.
ఉమ్మడి తెలుగు రాష్ట్రం విడిపోయాక.. ఆంధ్రప్రదేశ్కి రాజధాని ఎక్కడ.? అన్న చర్చ వచ్చినప్పుడు విశాఖ పేరు కూడా తెరపైకొచ్చింది. కానీ, విశాఖ పేరుని కూడా అప్పటి ప్రతిపక్షం వైఎస్సార్సీపీ ప్రస్తావించలేదు. ఆ లెక్కన, విశాఖ అంటే వైఎస్ జగన్కి, వైఎస్సార్సీపీకీ మొదటినుంచీ చిన్నచూపు వుందనే కదా అర్థం.? అవన్నీ ఎందుకు.? గడచిన ఏడాది కాలంలో విశాఖకు వైఎస్ జగన్ ప్రభుత్వం ఏం చేసింది.? ఈ ప్రశ్నకు సమాధానం వైసీపీ నేతలు చెప్పగలిగితే.. ఆ తర్వాతే జనసేన అధినేత పవన్ కళ్యాణ్ని ఈ విషయంలో ప్రశ్నించాలి. రాజధాని కోసం అమరావతి రైతులు భూములిచ్చారు.. ఈ క్రమంలో రైతులతో అప్పటి ప్రభుత్వ ఒప్పందాలు చేసుకుంది. ఆ ఒప్పందాల్ని ప్రస్తుత ప్రభుత్వం గౌరవించాలి. ఈ మాత్రం లాజిక్ తెలియనోళ్ళంతా రాజకీయాల్లో జబర్దస్త్ కామెడీలు చేస్తే ఎలా.?
658664 763320The urge to gamble is so universal and its practice so pleasurable, that I assume it need to be evil. – Heywood Broun 751112
219273 680857This really is a good topic to talk about. Sometimes I fav stuff like this on Redit. This post probably wont do properly with that crowd. I will probably be confident to submit something else though. 644183