రాష్ట్ర ఎన్నికల కమిషనర్గా నిమ్మగడ్డ రమేష్కుమార్ తిరిగి బాధ్యతలు స్వీకరించారు. కరోనా వైరస్ నేపథ్యంలో స్థానిక ఎన్నికల ప్రక్రియను వాయిదా వేయడం ద్వారా ముఖ్యమంత్రి వైఎస్ ఆగ్రహానికి గురైన నిమ్మగడ్డ, ఎస్ఈసీ పదవిని కోల్పోయిన విషయం విదితమే. నిమ్మగడ్డపై ‘కులం’ పేరుతో ఆరోపణలు చేసిన జగన్ సర్కార్, ఎన్నికల సంస్కరణలంటూ.. ఆయన్ని తొలగించి, ఆయన స్థానంలో కనగరాజ్ని ఎన్నికల కమిషనర్గా నియమించేందుకు ఆర్డినెన్స్ తీసుకొచ్చింది. ఆర్డినెన్స్ నేపథ్యంలో కనగరాజ్, రాష్ట్ర ఎన్నికల కమిషనర్గా బాధ్యతలు తీసుకున్నారు కూడా. అయితే, హైకోర్టులో నిమ్మగడ్డ పిటిషన్ వేయడంతో.. వైఎస్ జగన్ సర్కార్కి మొట్టికాయలు పడ్డాయి. రాష్ట్ర ప్రభుత్వం తీసుకొచ్చిన ఆర్డిరెన్స్ని హైకోర్టు కొట్టిపారేసింది.
అయితే, నిమ్మగడ్డకు తిరిగి ఎస్ఈసీ పదవి ఇచ్చేందుకు రాష్ట్ర ప్రభుత్వం వెంటనే సుముఖత వ్యక్తం చేయలేదు. సుప్రీంకోర్టును ఆశ్రయించింది. అయితే, ఈలోగా కోర్టు ధిక్కరణకు ప్రభుత్వం పాల్పడుతోందంటూ నిమ్మగడ్డ మరోమారు హైకోర్టును ఆశ్రయించడం గమనార్హం. ఈ క్రమంలో రాష్ట్ర ప్రభుత్వానికి సుప్రీంకోర్టులో ‘ఊరట’ దక్కకపోగా, నిమ్మగడ్డకు లైన్ క్లియర్ అయ్యింది. రాష్ట్ర గవర్నర్ని కలవాలని నిమ్మగడ్డకు హైకోర్టు సూచించడం, గవర్నర్ని నిమ్మగడ్డ కలవడం, నిమ్మగడ్డను తిరిగి రాష్ట్ర ఎన్నికల కమిషనర్గా నియమించాలని రాష్ట్ర గవర్నర్ ఆదేశించడంతో ‘సుప్రీం కోర్టు తుది తీర్పుకి లోబడి నియామకం..’ అంటూ రాష్ట్ర ప్రభుత్వం నోటిఫికేషన్ జారీ చేయడం జరిగాయి.
ఇక, ఈ రోజు విధుల్లో చేరిన నిమ్మగడ్డ రమేష్కుమార్, రాగద్వేషాలకు అతీతంగా పనిచేస్తానని చెప్పారు. ‘రాష్ట్ర ప్రభుత్వం మునుపటిలానే ఎన్నికల సంఘానికి సహకరిస్తుందని ఆశిస్తున్నాను..’ అని ప్రెస్మీట్లో వ్యాఖ్యానించారు. కరోనా వైరస్ నేపథ్యంలో ఇప్పట్లో స్థానిక ఎన్నికల ప్రక్రియ తిరిగి ప్రారంభమయ్యే అవకాశాలు కన్పించడంలేదు. ఇదిలా వుంటే, నిమ్మగడ్డ తిరిగి పదవిలోకి వస్తే, కొందరు వైసీపీ మద్దతుదారులు సోషల్ మీడియాని వదిలేస్తామన్నారు.. ఓ మంత్రిగారైతే, ‘జుగుప్సాకరమైన వ్యాఖ్యలు’ చేశారు.. సాక్షాత్తూ అసెంబ్లీ స్పీకర్ కూడా నిమ్మగడ్డపై నోరు పారేసుకున్న విషయం విదితమే.
#NimmagaddaRameshKumar, retired IAS officer, finally resumes his duties as the SEC of AP, after prolonged legal issues with the government#AndhraPradesh #TDPLootedYCPCheated #TDPTwitter #YSRCP #YCPCheatedAP #Janasena #NimmagaddaRamesh pic.twitter.com/jIr2iXBxOR
— TeluguBulletin.com (@TeluguBulletin) August 3, 2020
339998 241659Admiring the time and effort you put into your internet site and in depth information you offer. Its excellent to come across a weblog every once in a while that isnt exactly the same out of date rehashed material. Wonderful read! Ive saved your internet site and Im including your RSS feeds to my Google account. 808628
936530 251483Its great as your other posts : D, appreciate it for putting up. 11363