‘మీటూ’.. ఇటీవల కాలంలో ప్రపంచవ్యాప్తంగా బాగా పాపులర్ అయిన ఉద్యమం. పురుషుల చేతిలో తాము ఎలాంటి బాధలు అనుభవించామో పలువురు మహిళలు బయట పెట్టిన అంశాలు అనేకమంది ప్రముఖుల అసలు రూపాన్ని సాక్షాత్కరించాయి. ఘటన జరిగినప్పుడు పరిస్థితుల కారణంగా భయపడో, బటయకు చెప్పినా తమకు న్యాయం దక్కదనే భావించడం వల్లో అప్పట్లో ఇలాంటి విషయాలనూ ఏ మహిళా చెప్పలేదు. ఆ బాధలను తమలోనే దాచుకుని కుమలిపోయారు. అయితే, ప్రస్తుతం సోషల్ మీడియా విస్తృతంగా అందుబాటులోకి రావడంతో అందరిలో చైతన్యం బాగా పెరిగింది. దీంతో తాము గతంలో ఏ విధంగా ఇబ్బందులకు గురయ్యామో, ప్రముఖులుగా చెలామణి అవుతున్న వ్యక్తులు తమను ఎలా వేధించారో బయట పెట్టడం మొదలుపెట్టారు. దీంతో నేను కూడా అలాగే బాధపడ్డాను అంటూ పలువురు మహిళలు ఒక్కొక్కరుగా బయటకు రావడం ప్రారంభించారు. మీ టూ ఉద్యమంగా ఇది ఊపందుకుంది. మీటూ బాధితులకు ప్రపంచవ్యాప్తంగా మద్దతు పెరిగింది.
ఇంతవరకు బాగానే ఉంది.. నాణానికి రెండో వైపు ఉన్నట్టుగానే, ఏ అంశానికైనా రెండో కోణం కూడా ఉంటుంది. తాజాగా ఈ అంశమే తెరపైకి వచ్చింది. అదే ‘మెన్ టూ’. అంటే.. మహిళల చేతిలో బాధలు అనుభవించిన పురుషుల వెతలన్నమాట. ఇలాంటివారి కోసం గొంతు ఎత్తింది ఎవరో తెలుసా? ఓ మహిళ. ఆమె పేరు దీపికా నారాయణన్ భరద్వాజ్. డాక్యుమెంటరీ ఫిల్మ్ మేకర్ గా ఆమెకు పేరుంది. లింగ సమానత్వంలో పురుషుల హక్కుల కోసం గళం వినిపించే వ్యక్తిగా ఆమె చాలామందికి పరిచయం. తాజాగా మెన్ టూ ఉద్యమ అవసరాన్ని కూడా ప్రస్తావించింది దీపికానే కావడం విశేషం.
‘‘మహిళలపై అత్యాచారాలకు పాల్పడిన పురుషుల పేర్లు బయట పెట్టి వారిని దోషులుగా సమాజం ముందు నిలబెట్టడం ఎంత అవసరమో, పురుషులను వేధించి.. వారిపై తప్పుడు ఆరోపణలు చేసిన మహిళలను కూడా సమాజం ముందు నిలబెట్టడం అంతే అవసరం’’ అని ఆమె స్పష్టంచేశారు. మీడియా ఎందుకు ఇలాంటి అంశాలపై దృష్టి పెట్టడంలేదని ప్రశ్నించారు. పురుషులు కూడా మహిళల్లా మనుషులేనని, వారికి కూడా ఆత్మాభిమానం ఉంటుందనే విషయం గుర్తుంచుకోవాలని పేర్కొన్నారు. డబ్బు గుంజాలనే దురుద్దేశంతో పలువురు పురుషులపై అసత్య ఆరోపణలు చేసిన ఓ మహిళా క్రీడాకారిణిపై కేసు నమోదు చేయాలని ఇటీవల హర్యానా కోర్టు ఆదేశించింది. దీనిని దీపికా నారాయణన్ భరద్వాజ్ స్వాగతించారు. ఇలా మహిళల చేతిలో వేధింపులకు గురైన మగాళ్లు చాలామందే ఉన్నారని, అలాంటి వారి కోసమే ఈ మెన్ టూ ఉద్యమం అని పేర్కొన్నారు.
ఇక మరో కేసులో ఎలాంటి నేరం చేయకపోయినప్పటికీ, ఓ యువకుడు ఏకంగా 8 నెలలు జైలులో గడపాల్సి వచ్చింది. తనను రేప్ చేశాడంటూ ఓ యువతి చేసిన అసత్య ఆరోపణల కారణంగా ఆ యువకుడి జీవితం ఇలా తలకిందులైంది. జైలుకు వెళ్లడంతో ఉన్న ఉద్యోగం పోయింది. బంధువులు, స్నేహితుల వద్ద తల దించుకునే పరిస్థితి వచ్చింది. సమాజం దోషిగా చూసింది. విచారణలో ఆ యువకుడు ఏం నేరం చేయలేదని రుజువు కావడంతో కోర్టు సైతం అతడిపై సానుభూతి చూపించింది. అతడికి జరిగిన నష్టానికి రూ.5 లక్షల పరిహారం ఇవ్వాలని ఆదేశించింది. అయితే, రెండేళ్లు గడిచినా అతడికి ఎలాంటి పరిహారం అందలేదు. తాజాగా ఈ పరిహారం విషయంపై హైకోర్టు స్టే విధించింది. ఈ విషయంలో కింది కోర్టు అధికారానికి మించి వ్యవహరించిందని వ్యాఖ్యానించింది. దీంతో అతడి పేరూ పోయింది. డబ్బూ రాలేదు. కాగా, మీటూ ఉద్యమం తరహాలోనే మెన్ టూ కూడా నెమ్మదిగా ఊపందుకుంటోంది. పలువురు ప్రముఖులు ఈ విషయంలో తమ మద్దతు తెలుపుతున్నారు.
112298 805832For anybody who is considering about external complications, sometimes be tough amaze those to realize to produce just a single weed in this really flowing typically requires eleven liters concerning gasoline to. dc no cost mommy weblog giveaways family trip home gardening house power wash baby laundry detergent 353624
780040 342660Some genuinely nice and utilitarian info on this website, as nicely I believe the style has got great attributes. 557247