“నేను రాజకీయాలకు దూరంగా ఉన్నాను.. కానీ రాజకీయాలు నా నుంచి దూరం కాలేదు”.. అని మెగాస్టార్ ఎందుకు అన్నాడో తెలుసా.. అంటున్నారు మెగా ఫాన్స్.
.
ఇది నిజానికి మెగాస్టార్ నటించిన గాడ్ ఫాదర్ సినిమాలోని డైలాగ్ గా అనిపిస్తోంది..కానీ వాస్తవంలో కూడా చిరంజీవికి బాగా సరిపోతుంది ఈ డైలాగ్ అంటూ వివరిస్తున్నారు ఫాన్స్.
డర్టీ పొలిట్రిక్స్ కు కలత చెంది ఈ రాజకీయాలు నచ్చక, తాను ప్రేమించే సినీరంగానికి తిరిగి వచ్చి… సినిమాలు చేసుకుంటున్న చిరంజీవికి.. తరచూ ఏదో ఒక రాజకీయ మకిలి అంటగట్టాలని చాలామంది ప్రయత్నాలు చేస్తూనే ఉన్నారు.. రాజకీయాల్లోనూ, సినిమాల్లోనూ జయాపజయాలు అతి సాధారణం.. 151 సినిమాలు చేసి..ఎన్నో శిఖరాలను అధిరోహించి.. ఎన్నో జయాపజయాలు చూసిన చిరంజీవికి ఆచార్య సినిమా ప్లాప్ అనగానే.. చిరంజీవి వ్యతిరేక శక్తులన్నీ లేచి నాట్యమాడి పండగ చేసుకున్న మాదిరిగా ప్రచారం చేసుకున్నాయి.
జనసైనికులు, మెగా ఫాన్స్ కి మధ్య కూడా అంతరాలు సృష్టించేందుకు తెగ ఆరాటపడుతుంటారు కొందరు.. అంతేనా ఇదే అదనుగా గాడ్ ఫాదర్ సినిమా రిలీజ్ కాకుండానే ప్లాప్ సినిమా అంటూ.. వార్తలు వండి వార్చి విషం చిమ్మాయి. శత్రువుని కూడా ఎన్నడూ మాట తూలని చిరంజీవి మౌనం, మంచితనం అలుసుగా.. చిరంజీవికి సంబంధించిన ప్రతి విషయాన్ని.. ఎద్దేవా చేస్తూ.. సోషల్ మీడియా సాక్షిగా ప్రచారం చేస్తోన్న శక్తులకు స్వీట్ వార్నింగ్ అన్నట్టుగా ఉంది.. ప్రస్తుతం మెగాస్టార్ రిలీజ్ చేసిన ఈ “రాజకీయాలకు నేను దూరంగా ఉన్నాను , కానీ రాజకీయాలు నాకు దూరం కాలేదు” అనే డైలాగ్..
తన పని తాను చేసుకుంటున్న చిరంజీవి లాంటి వ్యక్తికి అనవసరపు రాజకీయాల రంగు అంటిస్తే.. తగిన సమయంలో, తగు విధంగా సమాధానం చెబుతాను.. అన్నట్టుగా ఈ డైలాగ్ ఉందని, మెగా ఫాన్స్ కామెంట్ చేస్తున్నారు.
ఏమైనా..చాలాకాలం తర్వాత ఈ స్వీట్ వార్నింగ్ లాంటి డైలాగ్ విని మెగా ఫాన్స్ తెగ సంబరపడుతున్నారు..
— Chiranjeevi Konidela (@KChiruTweets) September 20, 2022