ఆంధ్రప్రదేశ్లో కాపు సామాజిక వర్గం రిజర్వేషన్లను కోరడం కొత్త విషయం కాదు. చాలా ఏళ్ళుగా జరుగుతున్న పోరాటమిది. సుమారు ఐదారు దశాబ్దాల క్రితం కాపు సామాజిక వర్గానికి రిజర్వేషన్లు వుండేవనీ, ఆ రిజర్వేషన్లను అన్యాయంగా తొలగించారనీ కాపు సామాజిక వర్గం ఏళ్ళ తరబడి పోరాటాలు చేస్తూనే వుంది. అయితే, కాపు ఉద్యమాన్ని అడ్డం పెట్టుకుని పదవులు పొందిన నేతలు, ఆ రిజర్వేషన్ల ఉద్యమంపై నీళ్ళు చల్లుతూ వస్తున్నారు. పైగా, ఎవరన్నా రిజర్వేషన్ల గురించి మాట్లాడితే.. వారి మీద కాపు నేతలే ఎదురుదాడికి దిగుతుండడం గమనార్హం.
గతంలో చంద్రబాబు హయాంలోనూ అదే జరిగింది, ఇప్పుడు వైసీపీ హయాంలోనూ అదే జరుగుతోంది. కేంద్రం కల్పించిన వెసులుబాట్లతో, చంద్రబాబు వ్యూహాత్మకంగా పాలన చివరి రోజుల్లో కాపు సామాజిక వర్గానికి రిజర్వేషన్లంటూ చేతులు దులిపేసుకున్నారు. దాన్ని అమలు చేయాల్సిన వైఎస్ జగన్ ప్రభుత్వం లైట్ తీసుకుంది. తాజాగా జనసేన అధినేత పవన్ కళ్యాణ్, కాపు రిజర్వేషన్లపై నినదించడంతో ఒక్కసారిగా ఈ అంశం రాజకీయాల్లో హాట్ టాపిక్గా మారింది.
మళ్ళీ కాపుల డిమాండ్పై నీళ్ళు చల్లేందుకు అధికార పార్టీ నేతలు నానా రకాల ప్రయత్నాలూ చేస్తున్నారు. అయితే, జనసేన పార్టీ మాత్రం ఈ విషయంలో చాలా క్లియర్గా వుంది. బీజేపీతో కలిసి జనసేన అధికారంలోకి రాబోతోందనీ, అధికారంలోకి రాగానే మరాఠా తరహాలో కాపులకు రిజర్వేషన్లు కల్పిస్తామనీ జనసేన ముఖ్య నేత శివశంకర్ స్పష్టం చేశారు. బీజేపీ సైతం ఈ విషయంలో స్పష్టత వుందని ఆయన ఓ ఇంటర్వ్యూలో చెప్పుకొచ్చారు. టీడీపీ, వైసీపీ.. కాపు సామాజిక వర్గాన్ని మభ్యపెట్టి వారిని ఓటు బ్యాంకుగానే మార్చుకున్నాయని విమర్శించారు జనసేన నేత శివశంకర్.
‘కాపు కోటాలో కొందరికి పదవులు ఇస్తే, అది మొత్తం కాపు సామాజిక వర్గానికి న్యాయం చేసినట్లు కాదు. సంక్షేమ పథకాలు అందరికీ అందినట్లే, కాపు సామాజిక వర్గానికీ అందితే.. అది ఆ సామాజిక వర్గానికి గొప్పగా చేసేసినట్లు కానే కాదు.. కాపు సామాజిక వర్గం రిజర్వేషన్లను కోరుతోంది. అది వారి న్యాయపరమైన డిమాండ్. ఎన్నికల సమయంలో మీరిచ్చిన హామీని మీకు గుర్తు చేస్తున్నాం..’ అంటూ అధికార పార్టీకి జనసేన పార్టీ తేల్చి చెబుతోంది.
720700 899430Greatest fighter toasts ought to entertain and supply prize on your couples. Initially audio system next to obnoxious crowd would be wise to comprehend one specific gold colored strategy as to public speaking, which is private interests self. greatest man jokes 7092