విజయ్ దేవరకొండ చాలా మారాడు.! ఔను, చాలా చాలా మారాడు.! ‘అర్జున్ రెడ్డి’ ఫేం విజయ్ దేవరకొండ ఎక్కడ.? ‘ఫ్యామిలీ స్టార్’ విజయ్ దేవరకొండ ఎక్కడ.! ఈ మార్పు నిజంగానే అనూహ్యం. మూతి ముద్దులు, హీరోయిన్‌తో ఆన్ స్క్రీన్ ఘాటైన రొమాన్స్.. వీటికి మించి, బూతులు మాట్లాడటం.. ఇవన్నీ ‘అర్జున్ రెడ్డి’ ఆటిట్యూడ్‌లో బాగం. నిజ జీవితంలో కూడా విజయ్ దేవరకొండ అదే తరహా రఫ్‌నెస్‌తో వుండేవాడు.
అలా ‘రౌడీ’ అనే ముద్ర తగలించుకున్నాడు. ఓ సినీ వేదికపై అసభ్యకరమైన వ్యాఖ్యలు చేశాడంటూ పెద్ద రచ్చ గతంలో జరిగితే, ఈ విషయమై అనసూయ మీడియాకెక్కి విజయ్ దేవరకొండ మీద నానా రకాల వ్యాఖ్యలూ చేసింది. ఆ వైరం ఇప్పటికీ కొనసాగుతున్నట్లే కనిపిస్తోంది.. విజయ్ దేవరకొండ సినిమా వస్తే, అనసూయ ప్రత్యక్షంగానో పరోక్షంగానో సెటైర్లు వేస్తుంటుంది విజయ్ దేవరకొండమీద.
ఇదంతా ఓ యెత్తు. విజయ్ దేవరకొండ నుంచి ఏదన్నా సినిమా వస్తే, అనూహ్యమైన రీతిలో నెగెటివిటీ ఆ సినిమా చుట్టూ విడుదలైన రోజు నుంచీ షురూ అవుతోంది. విజయ్ దేవరకొండ చాలా మారాడు కదా. ఆటిట్యూడ్ తగ్గించుకున్నాడు కదా.. అయినా, ఈ నెగెటివిటీ ఎందుకు.? ఇదో మిలియన్ డాలర్ క్వశ్చన్‌గా మారింది.
తమ సినిమాపై ఈ దారుణమై నెగెటివిటీని ‘ఫ్యామిలీ స్టార్’ టీమ్ అస్సలు జీర్ణించుకోలేకపోతోంది. విజయ్ దేవరకొండ ఇటీవల పోలీసులకు ఫిర్యాదు చేశాడు కూడా. అలాగని, సినిమాపై రివ్యూలు రాసినవారిపైనో, సోషల్ మీడియాలో కామెంట్లు పెట్టేవారి మీదనో పోలీసులు చర్యలు తీసుకుంటారని అనుకోలేం. ఎవరి అభిప్రాయం వాళ్ళది. కాకపోతే, తన ఆవేదనను విజయ్ దేవరకొండ ఇలా వెల్లగక్కాడంతే.
సినిమా గురించి నెగెటివి అనే అంశాన్ని పక్కన పెడితే, విజయ్ దేవరకొండ మీద పెయిడ్ నెగెటివిటీ జరుగుతున్నమాట వాస్తవం. ఎవరు చేస్తున్నారు.? అన్నదానిపై భిన్నవాదనలున్నాయి. ఇదో టైపు చీప్ పబ్లిసిటీ అనేవారూ లేకపోలేదు. విజయ్ దేవరకొండ అభిమానులు, ఇతర హీరోల సినిమాల్ని ట్రోల్ చేస్తే, ఆ హీరోల అభిమానులు విజయ్ దేవరకొండ సినిమాల్ని ట్రోల్ చేస్తారు. ఇది జస్ట్ ట్రోల్ వ్యవహారం మాత్రమే.
కానీ, విజయ్ దేవరకొండ మీద అత్యంత జుగుప్సాకరమైన రీతిలో పెయిడ్ నెగెటివిటీ నడుస్తున్న తీరు, ‘ఖుషీ’ సినిమా టైమ్‌లోనే బయటపడింది. ‘ఫ్యామిలీ స్టార్’ విషయంలో అది ఇంకాస్త స్ఫష్టమైపోయింది. ఈ పెయిడ్ నెగెటివిటీకి కొన్ని పీఆర్ టీమ్స్, కొందరు ఇన్‌ఫ్ల్యూయెన్సర్స్ సహకరిస్తున్నారనే వాదనా లేకపోలేదు.
ఒక్క హిట్టు.. నిఖార్సయిన హిట్టు పడితే.. విజయ్ దేవరకొండ బౌన్స్ బ్యాక్ అవుతాడు. ఇందులో ఇంకో మాటకు తావు లేదు. కానీ, ఈలోగా విజయ్ దేవరకొండ తన మీద వస్తున్న నెగెటివిటీని తట్టుకుని ఇంకా స్ట్రాంగ్‌గా నిలబడాల్సిందే. పోలీసులకు ఫిర్యాదు చేసినా ఫలితం ఏమీ వుండదు.