Ileana: తెలుగులో ఓ దశలో నెంబర్ వన్ హీరోయిన్ గా రాణించింది గోవా బ్యూటీ ఇలియానా (Ileana). సినిమాలకు విరామం ఇచ్చి ఫ్యామిలీ లైఫ్ ఎంజాయ్ చేస్తోంది. ఆమధ్య ఇలియానాకు మగబిడ్డకు జన్మనిచ్చి తల్లి అయింది. ప్రస్తుతం బిడ్డతోనే ఎక్కువ సమయం గడుపుతోంది. ఈక్రమంలో ఓ ఇంటర్వ్యూలో ఆసక్తికరమైన విషయాలు వెల్లడించింది.
‘నాగురించి వచ్చే వార్తల్ని పట్టించుకోను. కానీ.. నా ఫ్యామిలీ గురించి ఇష్టానుసారంగా రాస్తే తట్టుకోలేను. ప్రెగ్నెన్సీ సమయంలో తీవ్ర ఒత్తిడిలో ఉన్న సమయంలోనూ మా అమ్మ, నా భర్త అండగా ఉన్నారు. బాబు, నేను వేర్వేరుచోట్ల ఉన్న సమయంలో మైఖైల్ ఎంతో బాగా చూసుకున్నాడు. నామీద ఎంతో ప్రేమ చూపిస్తాడు. అటువంటివారిపై అసత్యాలు రాస్తే ఎలా తట్టుకోగల’నని అన్నారు.
దక్షిణాదిలో తొలిసారి కోటి రూపాయల పారితోషికం తీసుకున్న నటిగా కూడా రికార్డు నెలకొల్పింది ఇలియానా. తెలుగులో భారీ క్రేజ్ ఉన్నప్పుడే బాలీవుడ్ పై ఫోకస్ పెట్టి హిందీ సినిమాల్లో నటించింది. కొన్నేళ్ల తర్వాత అమర్ అక్బర్ ఆంటోనీలో నటించింది.