అక్క మరణం దాచి చెల్లిని ఒలింపిక్స్‌ కు పంపించారు

ఒలింపిక్స్ మహా సంగ్రామం పూర్తి అయ్యిది. ఆదివారంతో ముగిసిన క్రీడా సంగ్రామం నుండి ఆటగాళ్లు ఎవరి సొంత ప్రాంతాలకు వారు వెళ్లి పోయారు. తమిళనాడు, తిరుచ్చి జిల్లా గండూర్ కు చెందిన ధనలక్ష్మి ఒలింపిక్స్ లో 4’400 మిక్స్ డ్ డబుల్స్ లో పాల్గొంది. నిన్న సాయంత్రం సమయంలో తమిళనాడులో ధనలక్ష్మి ల్యాండ్‌ అయ్యింది. ఒలింపిక్స్ లో పాల్గొని వచ్చిన సంతోషం కూడా లేకుండా ఆమె కన్నీరు మున్నీరు అయ్యింది. విమానాశ్రయంలోనే ఆమెకు సోదరి మరణ వార్తను తెలియజేయడంతో ఆమె కన్నీరు మున్నీరు అయ్యారు.

జులై 12వ తారీకున టోక్యోకు వెళ్లేందుకు ధనలక్ష్మి పంజాబ్‌ వెళ్లింది. టోక్యోకు వెళ్లే ఇండియన్ జట్టుతో ఆమె కలిసింది. ఆ సమయంలోనే ధనలక్ష్మి సోదరి చనిపోయింది. ఈ సమయంలో ఆమెకు ఈ విషయం తెలిస్తే ఏకాగ్రత దెబ్బ తింటుందనే ఉద్దేశ్యంతో అక్క చనిపోయిన విషయం చెప్పకుండానే ఉంచారు. ఎట్టకేలకు ఆమె ఇండియాకు వచ్చిన తర్వాత విషయం తెల్సిందే. దాంతో అక్క చనిపోయిన విషయాన్ని తెలుసుకుని కన్నీరు మున్నీరు అయ్యింది. ఆమె ను చూసి అక్కడ ఉన్న వారు అంతా కూడా ఆవేదన వ్యక్తం చేశారు.