రవీందర్ చంద్రశేఖర్( Ravindar Chandra Sekhar) – మహాలక్ష్మి( Mahalaksmi) .. గతేడాది ట్రెండింగ్ నిలిచిన పేర్లివి. రవీందర్ తమిళ నిర్మాత, మహాలక్ష్మి బుల్లితెర నటి. దశాబ్ద కాలంగా తమిళ బుల్లితెరపై నెగటివ్, సపోర్టివ్ రోల్స్ చేస్తూ అభిమానులను సొంతం చేసుకుంది. వీరిద్దరూ ప్రేమించి పెళ్లి చేసుకున్నారు.
ఇందులో విశేషం ఏముంది అనుకుంటున్నారా? రవీందర్ భారీకాయుడు, మహాలక్ష్మి స్లిమ్ గా, అందంగా ఉంటుంది. పెద్దల అంగీకారంతో ఒకటైన వీరిద్దరికి ఇది రెండో పెళ్లి. అయితే, పెళ్లయిన కొత్తలో ఈ జంట భారీగా ట్రోలింగ్ కి గురైంది. రవీందర్ ఆకారాన్ని గురించి విమర్శించారు. డబ్బు కోసమే అతన్ని పెళ్లి చేసుకుందంటూ ఆమెనీ ట్రోల్ చేశారు. అయితే వీరిద్దరూ అన్యోన్యంగా ఉన్న ఫోటోలను సోషల్ మీడియా వేదికగా షేర్ చేస్తూ ట్రోలర్స్ కి ఆమె బుద్ధి చెబుతూ ఉంటుంది.
అయితే, ఈ ఇద్దరికీ సంబంధించి వార్త ఒకటి ఈ మధ్య సోషల్ మీడియాలో వైరల్ అయింది. మహాలక్ష్మి, రవీందర్ దంపతులు విడాకులు తీసుకోనున్నారంటూ పలు యూట్యూబ్ చానల్స్ వార్తలు రాశాయి. వీటిపై స్పందించిన మహాలక్ష్మి తన భర్తతో కలిసి ఉన్న ఫోటోను షేర్ చేసింది.’ నువ్వు నా భుజం మీద చేయి వేసినప్పుడు ప్రపంచంలో దేన్నైనా నేను సాధించగలనన్న నమ్మకం నాకు వస్తుంది. నా మనసు నిండా నువ్వే. ఐ లవ్ యూ’ ఆ పోస్ట్ కి నోట్ రాసింది. ఈ పోస్ట్ కి రవీందర్ కూడా ‘లవ్ యు’ అంటూ రిప్లై ఇచ్చారు. దీంతో వీరిద్దరి విడాకుల వార్తలకు ఫుల్ స్టాప్ పడినట్లు అయింది.