ఏపీలో కరోనా పంజా..! 24 గంటల్లో 984 పాజిటివ్ కేసులు

ఈమధ్య ఏపీలో గణనీయంగా తగ్గిన కరోనా కేసులు మళ్లీ పెరుగుతున్నాయి. వందలోపే నమోదైన పాజిటివ్ కేసులు ఏకంగా వెయ్యికి చేరువలోకి రావడం తీవ్ర కలకలం రేపుతోంది. గడచిన 24 గంటల్లో ఏపీలో 984 పాజిటివ్ కేసులు నిర్ధారణ కావడం కలవర పెడుతోంది. రాష్ట్రవ్యాప్తంగా 40,604 కరోనా పరీక్షలు నిర్వహించారు. దీంతో ఏపీలో ఇప్పటివరకూ కరోనా కేసుల సంఖ్య 8,96,863కు చేరుకుందని ఏపీ వైద్య ఆరోగ్యశాఖ వెల్లడించింది.

ప్రస్తుతం రాష్ట్రంలో 4,145 యాక్టివ్ కేసులు ఉన్నాయి. 24 గంటల్లో ఇద్దరు కరోనాతో మృతి చెందారు. 306 మంది బాధితులు కోలుకున్నారు. రాష్ట్రంలో మొత్తం మృతుల సంఖ్య 7,203కు చేరుకుంది. ఇప్పటివరకూ రాష్ట్రంలో 1,49,16,201 కరోనా నమూనాలను పరీక్షించారు. 24 గంటల్లో చిత్తూరులో అత్యధికంగా 163 కేసులు, పశ్చిమ గోదావరి జిల్లాలో 12 కేసులు నమోదయ్యాయి. చిత్తూరు, కృష్ణా, గుంటూరు, విశాఖ జిల్లాల్లో వందకు పైగా కేసులు నమోదయ్యాయి.