బిగ్ బాస్ 4: ఎపిసోడ్ 19 – రోబో టీమ్‌ విన్‌, నోయల్‌కు జైలు

రెండు రోజుల పాటు రసవత్తరంగా సాగిన బిగ్‌ బాస్‌ ఈ వారం టాస్క్‌ ‘ఉక్కు హృదయం’ నిన్నటి ఎపిసోడ్‌ తో పూర్తి అయ్యింది. రోబోలు మరియు మనుషుల టీం ల మద్య హోరా హోరీగా సాగిన ఈ గేమ్‌ ముగిసే సరికి గంగవ్వ మరియు అభిజిత్‌ లు రోబోలుగా ఇంకా బతికే ఉన్న కారణంగా రోబోల టీం విన్‌ అయినట్లుగా బిగ్‌ బాస్‌ ప్రకటించాడు.

తెలివిగా ఆడిన గంగవ్వ మరియు అభిజిత్‌ లు తమ చార్జింగ్‌ ను నిలుపుకున్నారు. విన్నింగ్‌ టీంలో ఉత్తమ ప్రదర్శణ కనబర్చిన వారిలో వీరిద్దరు నిలిచారు. వీరితో పాటు హారిక మరియు అవినాష్‌ లు కూడా ఉత్తమ ప్రదర్శణ కనబర్చిన వారిలో ఉన్నారు. ఈ నలుగురిలో ఒకరు కెప్టెన్‌ గా ఎన్నిక కాబోతున్నారు. నేడు కెప్టెన్‌ టాస్క్‌ ఉండే అవకాశం ఉంది.

ఇక నిన్నటి ఎపిసోడ్‌ లో అమ్మ రాజశేఖర్‌ ను మాటల్లో పెట్టి జబర్దస్త్‌ అవినాష్‌ చార్జింగ్‌ పెట్టుకోవడం నవ్వు తెప్పించింది. ఆ తర్వాత రాజశేఖర్‌ కోపం తెచ్చకుని అవినాష్‌ ను తిట్టడం ఆ తర్వాత జరిగిన పరిణామాలు ఎంటర్‌ టైన్‌మెంట్‌ను అందించాయి. ఆ తర్వాత మోనాల్‌ పై గంగవ్వ సీరియస్‌ అవ్వడం కూడా ఎపిసోడ్‌ కు హైలైట్‌ గా నిలిచింది. మొన్నటి ఎపిసోడ్‌ లో ఒకరిపై ఒకరు కారాలు మిరియాలు నూరుకున్న ఇంటి సభ్యులు టాస్క్‌ పూర్తి అయిన తర్వాత కామ్‌ డౌన్‌ అయ్యారు.

కాని మోనాల్‌ మాత్రం అభిజిత్‌ చేసిన మోసంను తట్టుకోలేక పోతున్నాను అంటూ లాస్య మరియు అమ్మ రాజశేఖర్‌ వద్ద కన్నీరు పెట్టుకుంది. ఇది గేమ్‌ లో పార్ట్‌ అతడు మనుషుల టీంలో ఉంటే అలాగే ప్రవర్తించేవాడు. దానికి ఇంతగా ఫీల్‌ అవ్వాల్సిన అవసరం లేదు అంటూ మోనాల్‌కు లాస్య సర్థి చెప్పే ప్రయత్నం చేసింది. ఆ తర్వాత ఇంటి సభ్యులను లివింగ్‌ రూంలో కూర్చోబెట్టిన బిగ్‌బాస్‌ ఉత్తమ ప్రదర్శణ ఇచ్చిన వారితో పాటు చెత్త ప్రదర్శణ ఇచ్చిన వారిని ఎంపిక చేయాలన్నారు.

మనుషుల టీం నుండి చెత్త ప్రదర్శణ నోయల్‌, అమ్మ రాజశేఖర్‌ లు నేను అంటే నేను అనుకున్నారు. దివి కూడా వారికి లొంగి పోవడం వల్ల తాను కూడా చెత్త పెర్ఫార్మెన్స్‌ చేశాను అంటూ ఒప్పుకుంది. అయితే ఇంటి సభ్యులు అంతా ఏకాభిప్రాయంతో నోయాల్‌ కు ఎక్కువ ఓట్లు వేసి ఆయన్ను చెత్త పర్ఫార్మర్‌ గా కన్ఫర్మ్‌ చేశారు. బిగ్‌ బాస్‌ ఆయనకు జైలు శిక్ష విధించాడు. జైలుకు వెళ్లిన నోయల్‌ కు కేవలం రాగి జావ మాత్రమే అది కూడా ఆయన విసురుకున్న రాగుల జావ మాత్రమే ఇవ్వాలంటూ ఆదేశించారు. దాంతో ఇంటి సభ్యులు అంతా నోయల్‌ విషయంలో ఆవేదన వ్యక్తం చేశారు.