Balakrishna : నందమూరి బాలకృష్ణ యంగ్‌ హీరోలకు పోటీ అన్నట్లుగా వరుస సినిమాలు చేస్తున్నాడు. అఖండ మరియు వీర సింహారెడ్డి సినిమా లు బ్యాక్ టు బ్యాక్ సక్సెస్ లను దక్కించుకున్న నేపథ్యంలో ప్రస్తుతం అనిల్ రావిపూడి దర్శకత్వంలో రూపొందుతున్న సినిమా పై అంచనాలు భారీగా ఉన్నాయి.
ఇక బాలయ్య మరో సినిమాకు కమిట్ అయ్యాడు. బాలకృష్ణ హీరోగా సితార ఎంటర్‌ టైన్‌మెంట్స్ బ్యానర్‌ లో ఒక సినిమా తెరకెక్కబోతుంది. సినిమాకు సంబంధించిన అప్డేట్ ను జూన్ 10న బాలయ్య బర్త్‌ డే సందర్భంగా ఇవ్వబోతున్నారు.
బాలయ్య బర్త్‌ డే ను జూన్ 10 అభిమానులు భారీ ఎత్తున ప్లాన్ చేస్తున్నారు. వారి వేడుకలు మరింతగా పెంచేందుకు గాను సితార నాగ వంశీ సినిమాను ప్రకటించబోతున్నట్లుగా తెలుస్తోంది. బాలయ్య హీరోగా బాబీ దర్శకత్వంలో సితార వారు సినిమాను నిర్మించబోతున్నారు.