Anand Mahindra: ఆపద ఎదురైతే సమయస్ఫూర్తితో ఆలోచిస్తే సత్ఫలితాలు వస్తాయని ఉత్తరప్రదేశ్ లోని బస్తీ జిల్లాకు చెందిన 13ఏళ్ల నిఖిత నిరూపించింది. ఎవరూలేని సమయంలో 15నెలల వామిక (మేనకోడలు)తో కలిసి ఇంట్లో ఉండగా అకస్మాత్తుగా కోతుల గుంపు వచ్చి బీభత్సం చేశాయి. ఓ కోతి వామిక వైపు వస్తూండగా నిఖిత భయపడకుండా సమయస్ఫూర్తితో ఆలోచించి అక్కడే ఉన్న అమెజాన్ ‘అలెక్సా’ను ఉపయోగించుకుంది.
‘అలెక్సా.. కుక్కలా అరవు’ అనగానే కుక్కలా గంభీరమైన శబ్దాలు చేయడం ప్రారంభించింది అలెక్సా. అరుపులకు భయపడిన కోతులు వెంటనే పారిపోయాయి. కుటుంబసభ్యులకు విషయం తెలీడంతో నిఖితను అభినందించారు. విషయం సామాజిక మాధ్యమాల్లో వైరల్ కావడంతో బాలిక ధైర్యానికి.. టెక్నాలజీని వాడుకున్న తీరుకు అభినందనలు వెల్లువెత్తాయి.
పారిశ్రామికవేత్త ఆనంద్ మహీంద్రా (Anand Mahindra) సైతం ఆమెను అభినందించారు. ‘టెక్నాలజీకి మనం బానిసలవుతున్నామా.. దాంతో మెరుగుపడుతున్నామా’..? అనేందుకు నిఖిత ధైర్యం.. టెక్నాలజీని వాడుకున్న తీరే నిదర్శనం. చదువు పూర్తయ్యాక కార్పొరేట్ సంస్థలో పని చేయాలనే తలంపు ఆమెకు ఉంటే మహీంద్రా గ్రూప్ ఆమెను స్వాగతిస్తుంద’ని పేర్కొనడం విశేషం.
The dominant question of our era is whether we will become slaves or masters of technology.
The story of this young girl provides comfort that technology will always be an ENABLER of human ingenuity.
Her quick thinking was extraordinary.
What she demonstrated was the… https://t.co/HyTyuZzZBK
— anand mahindra (@anandmahindra) April 6, 2024