Allu Arjun: అల్లు అర్జున్.. ఆ బ్రాండే వేరు. టాలీవుడ్ లో స్టార్ స్టేటస్ ఉన్న హీరోల్లో బన్నీ ఒకరు. ఇటివలే 21ఏళ్ల బన్నీ కెరీర్ విశ్లేషిస్తే.. మొదటి పదేళ్లు ఒక క్రేజ్.. తర్వాతి పదేళ్లు మరో రేంజ్.. ఇప్పుడు నడుస్తుంది హై ఎండ్ అనిపిస్తుంది. యూత్ ఫుల్ మూవీస్.. కాలేజీ కుర్రాడు.. మాస్.. యాక్షన్.. యోధుడు.. ఫ్యామిలీ.. ఇలా అన్ని జోనర్స్ టచ్ చేసి తన సత్తా చాటుకున్నాడు. చేసే ప్రతి సినిమాలో వైవిధ్యం, డ్యాన్స్ లో తన మార్క్ ఉండేలా కోరుకునే హీరో. బన్నీ ప్రతి సినిమాలో చేసే డ్యాన్స్ లో తన కోసం కొరియోగ్రాఫర్స్ ప్రత్యేకంగా డ్యాన్స్ డిజైన్ చేస్తున్నారా అనిపించాల్సిందే. టాప్ టెక్నీషియన్స్ తో వర్క్. ప్రతి మూవీ గ్రాండ్ స్కేల్లో కనిపించాలి. అందుకే బన్నీ సమ్ థింగ్ స్పెషల్. నేడు అల్లు అర్జున్ పుట్టినరోజు.
తొలి తెలుగు నటుడు..
స్టయిలిష్ స్టార్ నుంచి ఐకాన్ స్టార్ అయ్యాడు బన్నీ. అంతేనా.. లెక్కలేనన్ని రికార్డులూ తన సొంతం చేసుకున్నాడు. నాన్ ఆర్ఆర్ఆర్ కేటగిరీలో బన్నీ సినిమా అల.. వైకుంఠపురములోనే హయ్యస్ట్ తెలుగు గ్రాసర్. బన్నీ పలికిన తగ్గేదే.. లే డైలాగ్.. దేశంలోని ప్రముఖులు, క్రికెటర్లు, పొలిటీషియన్స్ ఒకరేమిటి, ప్రతి ఇంట్లోకి వెళ్లిపోయింది. ఒక హీరో ఇంతటి ఇంపాక్ట్ చూపడం గ్రేట్ అని చెప్పాలి. అవే ఇప్పుడు పుష్ప2పై అంచనాలు ఎవరెస్ట్ రేంజ్ లోకి తీసుకెళ్లాయి. బన్నీ సృష్టించిన మేనియా అది. పుష్పలో నటనతో బన్నీ పరకాయ ప్రవేశమే చేసి ఏకంగా ‘జాతీయ ఉత్తమ నటుడు’ అవార్డు సాధించాడు. తెలుగు సినిమా 92ఏళ్ల చరిత్రలో ఈ ఘనత సాధించిన తొలి హీరోగా నిలిచాడు. వరుసగా 2ఏళ్లు 2సినిమాలు బ్లాక్ బ్లస్టర్స్ ఇచ్చిన ఘనత బన్నీ సొంతం.
ఫ్యామిలీ మేన్..
ఇటివలే దుబాయ్ లోని ప్రఖ్యాత మేడమ్ టుస్సాడ్ లో తన మైనపు విగ్రహం పెట్టేంత క్రేజ్ సంపాదించాడు బన్నీ. పుట్టింది, పెరిగింది సినీ నేపథ్యం ఉన్న కుటుంబంలోనే. ఆసక్తి పెరగడం సహజం. అయితే.. దానిని లక్ష్యంగా పెట్టుకుని ఎదగడమే టఫ్ టాస్క్. దానిని అధిగమించి సాధించిన హీరోల్లో బన్నీ ఒకరు. పైగా స్టార్ స్టేటస్ కూడా. ఫ్యామిలీకి కూడా అత్యంత ఇంపార్టెన్స్ ఇచ్చే బన్నీ.. కుటుంబంతో హాలీడేస్ ఎంజాయ్ చేస్తాడు. పిల్లల్లో టాలెంట్ ప్రోత్సహించి అభిమానులతో పంచుకోవడం చేయడం చేస్తాడు. కుమార్తె అర్హ తండ్రిలానే బాలనటిగా శాకుంతలం సినిమాలో నటించింది. ఇలా బన్నీ తెలుగు సినిమాపై బన్నీ తనదైన ముద్రే వేశాడు. ఈ సందర్భంగా చేయబోయే ప్రాజెక్టులు సక్సెస్ కావాలని.. భవిష్యత్తు ఉజ్వలంగా ఉండాలని కోరుకుంటూ బర్త్ డే విషెష్ చెప్తోంది ‘టీమ్ తెలుగు బులెటిన్’.