Agent Review: అఖిల్ అక్కినేని, సురేందర్ రెడ్డి కాంబినేషన్ లో వచ్చిన చిత్రం ఏజెంట్. స్పై యాక్షన్ థ్రిల్లర్ గా రూపొందిన ఈ చిత్రంపై అంచనాలు అయితే బాగానే ఏర్పడ్డాయి. మరి ఈ సినిమా ఎలా ఉందో చూద్దామా.
కథ:
రా ఏజెంట్ అవ్వాలని ఎంతగానో ప్రయత్నిస్తూ ఉంటాడు అఖిల్. అయితే తన ప్రయత్నాలు ఏవీ అనుకున్నంత సక్సెస్ అవ్వవు. అయితే ఈ నేపథ్యంలోనే పేరొందిన రా ఏజెంట్ డెవిల్ తో తనకు పరిచయమవుతుంది. ఇంకా డెవిల్, గాడ్ కు మధ్య ఉన్న తగాదా అఖిల్ కు కలిసొస్తుంది. ఇండియాలో ఎన్నో ఇల్లీగల్ బిజినెస్ లు నడిపే గాడ్ ను ఎదుర్కోవడానికి డెవిల్, అఖిల్ ను ఉపయోగిస్తాడు. మరి ఈ మిషన్ లో అఖిల్ సక్సెస్ అయ్యాడా?
నటీనటులు:
అఖిల్ ఈ సినిమాతో మనల్ని పూర్తిగా సర్ప్రైజ్ చేస్తాడని చెప్పాలి. మోస్ట్ ఎలిజిబుల్ బ్యాచలర్ లో కనిపించిన దానికి, ఏజెంట్ లో లుక్ కు వైల్డ్ మేకోవర్ కు వెళ్ళాడు. తన కష్టం లుక్స్ లోనూ, ఫిజిక్ లోనూ కనిపిస్తుంది. స్క్రీన్ పై అఖిల్ కొత్త లుక్ ఇంప్రెస్ చేస్తుంది. దర్శకుడు తన నుండి ఏం ఆశించాడో అది ఇచ్చాడు అఖిల్.
సాక్షి వైద్య చూడటానికి బాగుంది. అయితే ఈ సినిమాలో ఆమెకు ప్రాధాన్యత లేదు. ఆమె పాత్రను ఈ చిత్రం నుండి తీసేసినా కానీ వచ్చిన నష్టమేం లేదు. ఇక ఈ చిత్రంలో నటించిన స్పెషల్ ఏజెంట్ మమ్మూట్టికు ప్రాధాన్యత ఉన్న పాత్ర లభించింది. మమ్మూట్టి ఎలాంటి నటుడో ప్రత్యేకించి చెప్పాల్సిన పనిలేదు.
గాడ్ పాత్రలో డినో మోరియా ఈ చిత్రం ద్వారా టాలీవుడ్ కు పరిచయమయ్యాడు. తన పాత్ర వరకూ బాగానే చేసినా కానీ ఈ పాత్రకు ఇచ్చిన బిల్డప్ కు తగ్గట్లుగా అయితే లేదు. రెగ్యులర్ తెలుగు విలన్ తరహాలోనే కనిపించాడు. మిగతా వాళ్లకు అంత ప్రాధాన్యత లేదు ఈ చిత్రంలో.
సాంకేతిక నిపుణులు:
యాక్షన్ థ్రిల్లర్స్ ను తనదైన తరహాలో చేసే సురేందర్ రెడ్డి ఈసారి స్టైలిష్ స్పై థ్రిల్లర్ ను ఎంచుకున్నాడు. ప్రెజంటేషన్ పరంగా విజువల్స్ పరంగా ఏజెంట్ తన మోస్ట్ స్టైలిష్ చిత్రమని చెప్పొచ్చు. అయితే ఏజెంట్ కు ఉన్న ప్రధానమైన సమస్య రొటీన్ కథ. వక్కంతం వంశి అందించిన కథ చాలా సాధారణంగా ఉంది. ఈ కథ కోసం భారీ ఎత్తున ఖర్చు పెట్టడం అనేది పెద్ద సాహసమని చెప్పాలి. దీనికి తోడు స్క్రీన్ ప్లే కూడా పూర్తిగా అవుట్ డేటడ్ తరహాలోనే సాగింది. ఏజెంట్ ద్వారా ట్రై చేసిన వైల్డ్ నెస్ పెద్దగా వర్కౌట్ కాలేదు.
హిప్ హాప్ తమిళ అందించిన సంగీతం ఈ సినిమాకు పెద్ద మైనస్. ఒక్క సాంగ్ కూడా చార్ట్ బస్టర్ గా నిలిచే అవకాశం లేదు. అయితే బ్యాక్ గగ్రౌండ్ స్కోర్ వరకూ పర్వాలేదనిపించాడు. నిర్మాణ విలువలు అద్భుతంగా ఉన్నాయి. ఈ సినిమాకు భారీ ఎత్తున ఖర్చుపెట్టినట్లు ప్రతీ ఫ్రేమ్ లో కనిపిస్తుంది. ఎడిటింగ్ ఇంకా బాగుండొచ్చు.
ప్లస్ పాయింట్స్:
- అఖిల్ ట్రాన్స్ఫర్మేషన్
- విజువల్స్
నెగటివ్ పాయింట్స్;
- కథ
- స్క్రీన్ ప్లే
- బోరింగ్ నరేషన్
చివరిగా:
పరమ రొటీన్ గా సాగే ఏజెంట్ లో అడపాదడపా హై వచ్చే మూమెంట్స్ తప్ప చిత్రం నుండి పెద్దగా ఆశించేది ఏం లేదు. అంచనాలు బాగా తగ్గించుకుని వెళ్లినా కూడా ఏజెంట్ మిమ్మల్ని సాధారణంగా కూడా మెప్పించడం కష్టమే.
తెలుగు బులెటిన్ రేటింగ్: 1.75/5