Ponniyin Selvan 2 Review:మణిరత్నం డ్రీం ప్రాజెక్ట్ పొన్నియిన్ సెల్వన్ కు సీక్వెల్ గా తెరకెక్కిన చిత్రం పొన్నియిన్ సెల్వన్ 2. సాధారణంగా సీక్వెల్ కు ఉండాల్సిన హైప్ ఈ చిత్రానికి లేకపోవడం ఒక పెద్ద మైనస్ అని చెప్పాలి. అయితే భారీ తారాగణం, భారీ బడ్జెట్, ఉన్నత నిర్మాణ విలువలతో తెరకెక్కిన ఈ చిత్రం ఎలా ఉందో ఇప్పుడు చూద్దాం.
కథ:
మెగాస్టార్ చిరంజీవి వాయిస్ ఓవర్ తో ఈ చిత్రం మొదలవుతుంది. బౌద్ధులు, వల్లవరాయ కలిసి అరుణ్ మొళిని కాపాడతారు. మరోవైపు నందిని, పాండ్యులు కలిసి వీరపాండ్యన్ చావుకి ఆదిత్యుడిపై ప్రతీకారం తీర్చుకోవడానికి ప్లాన్ చేస్తారు. ఇంకోవైపు మధురాంతకుడు, శైవులు కలిసి చోళ సింహాసనంపై కన్నేస్తారు. ఈ నేపథ్యంలో ఆదిత్య కరికాలుడికి, నందినికి ఏమవుతుంది? మధురాంతకుడి సింహాసన కోరిక తీరుతుందా?
నటీనటులు:
ఈ చిత్రంలో ఎంతో మంది పేరున్న నటీనటులు నటించారు. విక్రమ్, కార్తీ, జయం రవి, ఐశ్వర్య రాయ్, త్రిష, నాజర్, ప్రభు, ప్రకాష్ రాజ్, శోభిత మొదలగు వారు కీలక పాత్రలు పోషించారు. ప్రతీ ఒక్కరూ తమ తమ పాత్రలను నూరు శాతం కమిట్మెంట్ తో పోషించారని చెప్పాలి.
సాంకేతిక నిపుణులు:
ఈ చిత్రాన్ని చాలా ఉన్నత ప్రమాణాలతో తీర్చిదిద్దారు. మణిరత్నం చోళుల కథను గ్రాండ్ గా తెరపైకి తీసుకురావడంలో సక్సెస్ అయ్యాడని చెప్పాలి. అయితే మొదటి పార్ట్ కు ఉన్న ఇబ్బందే రెండో భాగానికి కూడా ఉంది. డ్రామాలో హై పాయింట్స్ మిస్ అవ్వడం పెద్ద మైనస్ గా నిలిచింది. ముఖ్యంగా తెలుగు ఆడియన్స్ కు హిస్టారికల్ డ్రామా చూస్తున్నప్పుడు కావాల్సిన కమర్షియల్ హై పాయింట్స్ ఈ చిత్రంలో లేకపోవడం పెద్ద ప్రతికూలత. దీనికి తోడు నరేషన్ చాలా నెమ్మదిగా నడిచింది. ప్రేక్షకులు బోర్ గా ఫీల్ అయ్యే అవకాశాలున్నాయి.
ఏఆర్ రహ్మాన్ అందించిన సంగీతం పర్వాలేదు. అంత గొప్పగానూ లేవు అలాగే బ్యాడ్ అని కూడా అనలేం. బ్యాక్ గ్రౌండ్ స్కోర్ పర్వాలేదు. డ్రామాకు తగ్గట్లుగానే అలా సాగిపోయింది. సినిమాటోగ్రఫీ వర్క్ ను అయితే మెచ్చుకోకుండా ఉండలేం. అలాగే సిజిఐ కూడా.
పాజిటివ్ పాయింట్స్:
- నటీనటులు
- సినిమాటోగ్రఫీ
- కథ
నెగటివ్ పాయింట్స్;
- స్లో నరేషన్
- బ్యాక్ గ్రౌండ్ స్కోర్
- హై మూమెంట్స్ లేకపోవడం
- క్లైమాక్స్
విశ్లేషణ:
పొన్నియిన్ సెల్వన్ మొదటి భాగం మీకు ఎలా అనిపించిందో రెండో భాగం కూడా అలానే అనిపిస్తుంది. అది నచ్చితే ఇది కూడా నచ్చే అవకాశాలున్నాయి. లేదంటే లేదు. సినిమాటోగ్రఫీ, పెర్ఫార్మన్స్ లు పోజిటివ్స్ కాగా బ్యాక్ గ్రౌండ్ స్కోర్, గూస్ బంప్ మూమెంట్స్ లేకపోవడం నెగటివ్ పాయింట్స్. పీఎస్ 1 నచ్చితే దీనిపై కూడా ఓ లుక్కేయండి. లేదంటే ఈజీగా స్కిప్ కొట్టేయొచ్చు.
తెలుగు బులెటిన్ రేటింగ్: 2.5/5