Samantha: నటీనటుల కెరీర్లో ఎవరైనా చూసేది హిట్స్, ఫ్లాప్స్ పర్సంటేజి. అందులో ముఖ్యంగా ఎన్ని హిట్స్ ఉన్నాయనే చూస్తారు ఫ్లాపుల గురించి కాదు. కానీ.. దక్షిణాదిలో ఒక హీరోయిన్ విషయంలో మాత్రం ఫ్లాపులెన్ని అని లెక్కపెట్టొచ్చు. ఎందుకంటే ఆమె హిట్స్ పర్సంటేజ్ ఆస్థాయిలో ఉంటుంది కాబట్టి. ఆమె సౌత్ సూపర్ స్టార్ సమంత. తొలి సినిమా ఏ మాయ చేసావేతోనే స్టార్ హీరోయిన్ అయిపోయిన సమంత (Samantha) అక్కడి నుంచి వెనుదిరిగి చూసింది లేదు. సినిమా చేస్తే హిట్ అనేంతగా ఎదిగిపోయింది. పుష్కరకాలం దాటినా టాలీవుడ్ (Tollywood), కోలీవుడ్ (Kollywood) ల్లో ఆమె హవా కొనసాగుతోంది. మొత్తంగా ఆమె ఓ లేడీ సూపర్ స్టార్. నేడు ఆమె పుట్టినరోజు.
తెలుగు, తమిళ భాషల్లో ఆమె దాదాపుగా నేటి జనరేషన్ స్టార్ హీరోలందరితో కలిసి నటించింది. చిలిపితనం, డ్యాన్స్, నటనతోపాటు ముఖ్యంగా మనసుల్ని హత్తుకునే హావభావాలు ఆమె సొంతం. పుష్పలో స్పెషల్ సాంగ్ తో సంచలనం రేపింది. ఓదశలో ఆమె చేసిన సినిమా ఫ్లాప్ అంటే ఆశ్చర్యపోయే పరిస్థితులు నెలకొన్నాయంటే అతిశయోక్తి కాదు. అందం, అభినయం ఆమెకు ఆభరణాలు. ప్రేక్షకుల్ని తెరపై అలరించడమే కాదు.. నిజజీవితంలో కూడా ఆమె చారిటీ విషయంలో ముందుంటారు. ఆమె వ్యక్తిత్వమే ఆమెకు అభిమానుల్ని మరింతగా సంపాదించి పెట్టిందని చెప్పాలి. ఇంటిపై గార్డెనింగ్ ఎంత మంచిదో, ఆరోగ్యానికి వ్యాయామం ఎంత అవసరమో చెప్తూంటుంది.
సమంత (Samantha) కెరీర్లో ఎదుర్కొన్న ఒడిదుడుకులు కంటే ఆమె పర్సనల్ లైఫ్ లో ఎదుర్కొన్న ఆటుపోట్లే ఎక్కువ. ఆనారోగ్యంతో బాధించినా మొక్కవోని ధైర్యంతో ముందడుగు వేస్తోంది. మనోధైర్యంతో ఆమె వేసే అడుగులు ఆమెకు విజయాల్ని అందిస్తూనే ఉన్నాయి. శాకుంతలం (Sakunthalam) సినిమాలో ప్రధాన పాత్రలో ఆమెను తప్ప వేరొకరిని ఊహించుకోలేం. ఫలితంతో సంబంధం లేకుండా ఆమె వేసే అడుగులు, వచ్చే అవకాశాలు ఆమెలోని నటనకు నిదర్శనం. ప్రస్తుతం సిటాడెల్ వెబ్ సిరీస్ లో నటిస్తోంది సమంత. భవిష్యత్తులో ఆమె మరిన్ని సక్సెస్ లు సాధించాలని కోరుకుంటూ బర్త్ డే విశెష్ చెప్తోంది తెలుగు బులెటిన్.