నవీన్ పోలిశెట్టి ‘జాతి రత్నాలు’ మూవీ రివ్యూ

‘ఏజంట్ సాయి శ్రీనివాస్ ఆత్రేయ’తో హిట్ అందుకున్న నవీన్ పోలిశెట్టి హీరోగా, ప్రియదర్శి, రాహుల్ రామకృష్ణ ముఖ్య పాత్రల్లో స్వప్న సినిమాస్ బ్యానర్ పై నాగ్ అశ్విన్ నిర్మించిన సినిమాలోని పాటలు, ట్రైలర్ హిట్ అవ్వడంతో పాటు, ప్రభాస్ లాంటి హీరో ప్రమోట్ చేయడం వలన సినిమాపై అంచనాలు భారీగా పెరిగిపోయాయి. అందరినీ పొట్ట చెక్కలయ్యేలా నవ్వించడం ఖాయం అన్న ఈ సినిమా ఏ మేర ప్రేక్షకులను నవ్వించిందో చూద్దాం..

కథ:

జోగి పెట్ లో ఏ పనీ పాటాలేని నెంబర్ 1 బేవార్స్ గాళ్ళు మన జాతిరత్నాలు అలియాస్ శ్రీకాంత్ (నవీన్ పోలిశెట్టి), శేఖర్ (ప్రియదర్శి), రవి (రాహుల్ రామకృష్ణ). పులిని చూసి నక్క వాత పెట్టుకున్నట్టు హైదరాబాద్ లో సెటిల్ అయిన వాళ్ళ ఫ్రెండ్ ని చూసి జాబ్ కోసం ఈ ముగ్గురు హైదరాబాద్ వస్తారు. కానీ హైదరాబాద్ లో వాళ్ళ ఫ్రెండ్ నిజస్వరూపం తెలియగానే షాక్ అవుతారు. ఎలాగోలా ఆ ఫ్రెండ్ వాళ్ళ ఒక కాస్ట్లీ గ్రేటెడ్ కమ్యూనిటీలో సెట్ అవుతారు. అక్కడ శ్రీకాంత్ చిట్టి(ఫరియా అబ్దుల్లా)ని చూసి ప్రేమలో పడతాడు. తన పరిచయంతో ఈ ముగ్గురు ఓ పార్టీకి వెళ్తారు. ఆ పార్టీలో ఎంఎల్ఏ మురళీ శర్మపై మర్డర్ అటెంప్ట్ జరుగుతుంది. ఆ కేసులో శ్రీకాంత్ అండ్ ఫ్రెండ్స్ ని జైల్లో వేస్తారు. అక్కడి నుంచీ వాళ్ళు ఆ మర్డర్ చేశారా? లేక ఎవరన్నా వాళ్ళని ఇరికించారా? ఒకవేళ ఇరికిస్తే ఎందుకు ఇరికించారు? ఏ విషయాన్ని సీరియస్ గా తీస్కొని ఈ జాతి రత్నాలు ఈ కేసు నుంచి బయట పడ్డారా లేదా? అసలు ఎందుకు ఎమ్మెల్యేని చంపాలనుకున్నారు? అనేదే కథ.

తెరమీద స్టార్స్..

మరోసారి నవీన్ పోలిశెట్టి మైండ్ బ్లోయింగ్ పెర్ఫార్మన్స్ కనబరిచాడు అనడంలో ఎలాంటి అతిశయోక్తి లేదు. నవీన్ పోలిశెట్టి నటన, తెలంగాణ యాస, కామెడీ టైమింగ్, ఎక్స్ ప్రెషన్స్ ఇలా ప్రతీది మనల్ని నవ్విస్తూనే ఉంటాయి. ఆ తర్వాత చెప్పుకోవాల్సింది రాహుల్ రామకృష్ణ పాత్ర ఎక్కువగా నవ్విస్తుంది. తన వన్ లైనర్స్ బాగా పేలాయి. ప్రియదర్శి పాత్ర చాలా సేపు ఉన్నా పేలిన డైలాగ్స్ మాత్రం కొన్నే ఉండడం వలన కాస్త తక్కువ రిజిష్టర్ అయ్యాడు. ఇక కొత్త హీరోయిన్ ఫరియా అబ్దుల్లాకి చాలా మంచి డెబ్యూ ఫిలిం అని చెప్పచ్చు. అలాగే క్యూట్ లుకింగ్ పాత్రలో కుర్రకారుని మాయ అయితే చేస్తుంది. మురళి శర్మ ఇచ్చిన పాత్రకి న్యాయం చేశారు. గెస్ట్ పాత్రల్లో కీర్తి సురేష్, విజయ్ దేవరకొండలు ఓ మంచి ఫీల్ ని జెనరేట్ చేస్తారు. వెన్నెల కిషోర్ ఉన్నది కాసేపే కావడం వలన పెద్దగా ఇంపాక్ట్ లేదు.

తెర వెనుక టాలెంట్..

డైరెక్టర్ అనుదీప్ కెవి చాలా క్లారిటీగా కథ అనే పాయింట్ ని పెద్దగా పెట్టుకోకుండా మొదటి నుంచి చివరి దాకా నవ్వించి బయటకి పంపేయాలి అనుకున్నాడు. అందులో భాగంగా రాసుకున్న మూడు పాత్రలు చాలా బాగున్నాయి. ఆ పాత్రలకి సరైన నటులు దొరకడంతో కామెడీ బాగా ఎలివేట్ అయ్యింది. మొదటి 10 -15 నిమిషాలు కాస్త స్లో అనిపించినా ఆ తర్వాత మొదలయ్యే కామెడీతో నవ్విస్తూ ఫస్ట్ హాఫ్ లాగించేసాడు. కానీ సెకండాఫ్ కాస్ట్ డౌన్ అవుతూ వస్తుంది. మధ్య మధ్యలో కామెడీ ఓకే అనిపించినా ఓవరాల్ గా లాగ్ అవుతుంది అనే ఫీలింగ్ కలుగుతుంది. కచ్చితంగా ఫస్ట్ హాఫ్ లో ఎంటర్టైన్మెంట్ ఉన్న ఫీల్ సెకండాఫ్ లో ఉండదు. కథ అనేదే లేకపోవడం వలన చాలా సీన్స్ లో కామెడీ సిల్లీగా అనిపిస్తుంది. క్లైమాక్స్ ని కూడా కన్ఫ్యూషన్ కామెడీతో ఫినిష్ చేయాలనుకుని చేసిన ప్రయత్నం అంతగా మెప్పించలేదు. కానీ ట్విస్ట్ రివీల్ చేసే పాయింట్ కాస్త నవ్వు తెప్పిస్తుంది. డైరెక్టర్ గా అనుకున్నది తీసాడు కానీ సెకండాఫ్ కథనం మీద, ఫన్ మీదా ఇంకాస్త వర్కౌట్ చేసి ఉంటే బాగుండేది.

చిట్టి సాంగ్ ఎంత పెద్ద హిట్ అయ్యిందో విజువల్స్ కూడా అంతే బాగున్నాయి. అలాజె కామెడీకి తగ్గట్టుగా నేపధ్య సంగీతం, విజువల్స్ ఉన్నాయి. ఎడిటింగ్ పరంగా సెకండాఫ్ ని కాస్త ట్రిమ్ చేయాల్సింది. నాగ్ అశ్విన్ నిర్మాణ విలువలు బాగున్నాయి.

విజిల్ మోమెంట్స్:

– నవీన్ పోలిశెట్టి అండ్ రాహుల్ రామ కృష్ణ ఫన్
– వన్ లైన్ డైలాగ్స్
– నవ్వించే కంటెంట్
– సరదాగా వెళ్లిపోయే ఫస్ట్ హాఫ్

బోరింగ్ మోమెంట్స్:

– అసలు స్టోరీ ఉందా అనిపించే స్టోరీ లైన్
– సాగదీసిన సెకండాఫ్ సీన్స్
– సీరియస్ సీన్స్ లో కూడా సిల్లీ కామెడీ చేయడం

విశ్లేషణ:

సూపర్బ్ బజ్ తో, స్టార్ట్ టు ఎండ్ ఫుల్ ఎంటర్టైనర్ అని చెప్పుకొని రిలీజైన జాతి రత్నాలు సినిమా ఫస్ట్ హాఫ్ చాలా హాయిగా, కడుపుబ్బా నవ్వుకునేలా ఉంటుంది. నవీన్ పోలిశెట్టి, రాహుల్ రామకృష్ణ, ప్రియదర్శిలు సూపర్బ్ పెర్ఫార్మన్స్ కనబరచడంతో వావ్ అనిపిస్తుంది. కానీ సెకండాఫ్ కి వచ్చేసరికి కథ ఉండదు. కామెడీ రాను రాను డౌన్ అవుతుండడంతో సాగదీస్తున్నారు టేంటి అనీ ఫీలింగ్ వస్తుంది. కొన్ని చోట్ల సీరియస్ గా చెప్పాల్సిన సీన్స్ లో కూడా అకామెడీ చేసేయడం కనెక్ట్ కాదు. ఓవరాల్ గా జాతి రత్నాలు సినిమా చూసి ఎక్కువగా నవ్వుకొని, కొంత డిజప్పాయింట్ మెంట్ తో బయటకి వస్తారు.

చూడాలా? వద్దా?: యూత్ అయితే సినిమా ఎంజాయ్ చేస్తారు కానీ మిగతా వారికి మిక్స్డ్ ఫీలింగ్ ఇస్తుంది.

తెలుగుబులెటిన్.కామ్ రేటింగ్: 2.75/5