విమర్శలకు చెక్‌ పెట్టేలా రాజీనామా చేసేసిన దేత్తడి హారిక

తెలంగాణ రాష్ట్ర టూరిజం సంస్థ బ్రాండ్ అంబాసిడర్ గా దేత్తడి హారికను ఎంపిక చేసిన విషయం తెల్సిందే. హారిక ఎంపిక విషయమై గత కొన్ని రోజులుగా మీడియాలో వస్తున్న విమర్శలు నేపథ్యంలో ఆమె షాకింగ్‌ నిర్ణయాన్ని తీసుకుంది. టూరిజం శాక మంత్రి శ్రీనివాస్ గౌడ్‌ తనకు హారిక ఎవరో తెలియదు అంటూ వ్యాఖ్యలు చేసిన నేపథ్యంలో ఆమె తనకు అప్పగించిన విధుల నుండి తప్పుకుంటున్నట్లుగా ప్రకటించింది. తాను బ్రాండ్‌ అంబాసిడర్ గా ఉండబోవడం లేదు అంటూ క్లారిటీ ఇచ్చింది.

హారిక ఎంపిక విషయమై కొందరు చేసిన ఆరోపణలు మరియు విమర్శల నేపథ్యంతో పాటు మంత్రికి తెలియకుండా ఈమె ఎంపిక జరగడం వల్ల వివాదం మరింత ముదిరింది. దాంతో ఆమె తనకు అప్పగించిన బాధ్యతల నుండి తప్పుకుంటున్నట్లుగా ప్రకటించింది. ఈ విషయమై ఎవరిని అయినా నొప్పించి ఉంటే క్షమించాలని కోరింది. ఇక మీదట మరిన్ని వీడియోలను తీసేందుకు సిద్దం అవుతున్నట్లుగా చెప్పుకొచ్చింది. గత రెండు మూడు రోజులుగా సోషల్ మీడియాలో జరుగుతున్న దేత్తడి హారిక చర్చకు ఫుల్‌ స్టాప్ పడ్డట్లయ్యింది.