ఆస్ట్రేలియాలోని పెర్త్‌లో ఒక మాల్‌ వద్ద సెక్యూరిటీ గార్డ్‌గా చేసే వ్యక్తి కరోనా కారణంగా నిరుద్యోగి అయ్యాడు. మూడు నెలల పాటు ఉద్యోగం లేకపోవడంతో తినడానికి కూడా ఇబ్బంది అయ్యింది. అలాంటి సమయంలో అతడికి ఒకటి కాదు రెండు కాదు ఏకంగా 31 కోట్ల విలువైన లాటరీ తలిగింది. దాంతో అతడి దశ తిరిగి పోయింది. ఆ లాటరీకి కారణం తన కూతురు అంటూ చాలా సంతోసంగా ఆయన చెబుతున్నాడు. అతడు మొదట తన కూతురును కౌగిలించుకుని డబ్బు గురించి తర్వాత ఆలోచిస్తాను అన్నాడు.
ఒక రోజు ఆ మాజీ సెక్యూరిటీ గార్డ్‌ మూడు సంవత్సరాల కూతురు చాక్లెట్స్‌ కావాలంటూ మారం చేస్తున్న సమయంలో ఆమెను షాప్‌కు తీసుకు వెళ్లాడు. అక్కడ ఆమెకు కావాల్సినవి కొనిచ్చిన తర్వాత లాటరీ వైబ్స్‌ వారి కొత్త లాటరీ కనిపించింది. అదృష్టం ఎలా ఉందో పరీక్షించుకోవాలని భావించి ఒక లాటరీ టికెట్‌ను కొనుగోలు చేశాడు. లాటరీ టికెట్‌ గురించి దాదాపుగా మర్చి పోయిన సమయంలో అనూహ్యంగా ఆ లాటరీలో అతడికి భారీ మొత్తం వచ్చింది. సంతోషమైన జీవితాన్ని గడిపేందుకు ఆ డబ్బును వినియోగిస్తాను అని, కూతురును ఉన్నత చదువులు చదివిస్తానంటూ ఆనందంగా చెప్పుకొచ్చాడు.