స్టైలిష్ స్టార్ అల్లు అర్జున్, టాప్ డైరెక్టర్ కొరటాల శివ కాంబినేషన్ లో సినిమా నిన్న ప్రకటించిన విషయం తెల్సిందే. అయితే ప్రకటన వచ్చిన దగ్గరనుండి ఈ సినిమాపై భారీ చర్చ నడుస్తోంది. ముఖ్యంగా ఈ సినిమా కాన్సెప్ట్ విషయంలో రూమర్లు అప్పుడే మొదలైపోయాయి. ఎందుకంటే ఈ చిత్రానికి మాములు సినిమా ప్రకటనలా కాకుండా ఒక కాన్సెప్ట్ పోస్టర్ ను వదిలారు. ఇది ప్రేక్షకులను విపరీతంగా ఆకర్షిస్తోంది. రెండేళ్ల క్రితం రంగస్థలం కాన్సెప్ట్ పోస్టర్ ఇలానే అందరినీ అలరించింది.
అల్లు అర్జున్ – కొరటాల శివ సినిమాకు విడుదల చేసిన కాన్సెప్ట్ పోస్టర్ ప్రకారం చూస్తే.. అందులో ఇద్దరు స్నేహితులు నదికి ఇటువైపు నిలబడి ఉన్నారు. తెప్ప, గుడ్డి దీపం ఉన్నాయి. నదికి అటువైపు పెద్ద నగరం ఉన్నట్లుగా ఉంది. వీరిద్దరూ ఆ నగరంవైపు చూస్తున్నారు. అది అభివృద్ధి చెందిన నగరమని పెద్ద పెద్ద భవంతులు, సెల్ టవర్లు చూస్తుంటే అనిపిస్తోంది.
కొరటాల శివ సినిమా అంటే అటు కమర్షియల్ ఎలిమెంట్స్ తో పాటు స్ట్రాంగ్ సోషల్ పాయింట్ ను కూడా కచ్చితంగా టచ్ చేస్తాడు. ఇప్పటిదాకా తెరకెక్కించిన నాలుగు సినిమాలు అలాంటివే. ఇప్పుడు చిరంజీవితో చేస్తోన్న ఆచార్య కూడా సోషల్ మెసేజ్ ఉండనుంది. అలాగే అల్లు అర్జున్ తో సినిమాలో కూడా స్ట్రాంగ్ సోషల్ మెసేజ్ కచ్చితంగా ఉంటుందని తెలుస్తోంది.
ఈ సినిమా కథ ఇటీవలే జరిగిన వైజాగ్ గ్యాస్ విపత్తు బేస్ గా ఉంటుందని తెలుస్తోంది. ఇందులో అల్లు అర్జున్ ఒక రీసెర్చ్ స్టూడెంట్ గా కనిపిస్తాడట. మరి ఈ చిత్రం గురించి మరిన్ని విశేషాలు త్వరలో తెలిసే అవకాశముంది.
172999 893513This design is spectacular! You obviously know how to keep a reader amused. Between your wit and your videos, I was almost moved to start my own weblog (nicely, almostHaHa!) Amazing job. I actually enjoyed what you had to say, and more than that, how you presented it. Too cool! 887637