తెలంగాణలో మద్యం అమ్మకాలకి ప్రభుత్వం గ్రీన్‌ సిగ్నల్‌ ఇచ్చింది. ఉదయం 10 గంటలకు దుకాణాలు తెరుచుకుంటాయి.. సాయంత్రం 6 గంటల వరకు అమ్మకాలు కొనసాగుతాయి. ఉదయం 9 గంటల నుంచే మద్యం దుకాణాల వద్ద మందుబాబులు ‘క్యూ’ కట్టేశారు. అయితే, భౌతిక దూరం (ఫిజికల్‌ డిస్టెన్స్‌) పాటించేలా మద్యం దుకాణాల వద్ద ఖచ్చితమైన ఏర్పాట్లు చేశారు.
పొరుగు రాష్ట్రాల్లో మద్యం దుకాణాలు తెరవడం ద్వారా, తెలంగాణ నుంచి పెద్ద సంఖ్యలో మందుబాబులు అటు వైపు వెళ్ళి వస్తున్నారనీ, తద్వారా కరోనా వ్యాప్తి తెలంగాణలో పెరిగే అవకాశం వుంటుందనీ, ఈ నేపథ్యంలోనే తెలంగాణలోనూ మద్యం దుకాణాలు తెరవాల్సి వస్తుందని నిన్న తెలంగాణ ముఖ్యమంత్రి కల్వకుంట్ల చంద్రశేఖర్‌రావు మద్యం దుకాణాల పునఃప్రారంభంపై స్పష్టతనిచ్చారు.
అయితే, ఏ ఒక్క మద్యం షాపు వద్ద అయినా జనం గుమికూడినట్లు కన్పిస్తే, వెంటనే ఆ షాప్‌ బంద్‌ చేయించడం జరుగుతుందనీ కేసీఆర్‌ హెచ్చరించారు. ‘నో మాస్క్‌.. నో లిక్కర్‌’ పాలసీని అమలు చేస్తున్నామనీ, శానిటైజర్స్‌ కూడా మద్యం షాపులు ఏర్పాటు చేసుకోవాలని ఆదేశించారు కేసీఆర్‌.
మరోపక్క, మద్యం ధరల్ని 11 నుంచి 16 శాతం వరకు పెంచుతున్నట్లు కేసీఆర్‌ వెల్లడించారు. ‘50 శాతం, 75 శాతం పొరుగు రాష్ట్రాల్లో పెంచుతున్నారు. మనం అలా చేయం. అత్యధికంగా 16 శాతం మాత్రమే పెంచుతున్నాం. చీప్‌ లిక్కర్‌పై 11 శాతమే పెరుగుతుంది’ అని కేసీఆర్‌ వ్యాఖ్యానించడం గమనార్హం. అయినాగానీ, ప్రస్తుత కరోనా భయానక పరిస్థితుల్లో మద్యం దుకాణాల్ని తెరవడం ఎంతవరకు సబబు.? అన్న ప్రశ్న ఉత్పన్నమవుతోంది సాధారణ ప్రజానీకం నుంచి.
తెలంగాణలో కరోనా పాజిటివ్‌ కేసులు గణనీయంగా తగ్గినప్పటికీ, మద్యం అమ్మకాలతో మళ్ళీ పరిస్థితి మొదటికి వస్తుందేమోనన్న ఆందోళన వ్యక్తమవుతుండడం గమనార్హం. ప్రార్థనా స్థలాల్లోకి ప్రజల్ని అనుమతించకపోవడమనేది కొనసాగుతుందని, విద్యా సంస్థల మూసివేత కొనసాగుతుందనీ చెబుతూ, మద్యం దుకాణాలకు అనుమతినివ్వడం ఆశ్చర్యకరమైన నిర్ణయమే. కానీ, పొరుగు రాష్ట్రాల్లో మద్యం అమ్మకాల ద్వారా వచ్చే ముప్పుతో పోల్చితే, తెలంగాణలో మద్యం దుకాణాలు తెరవడం ద్వారా కలిగే ముప్పు తక్కువే.. అన్న ప్రభుత్వ వాదనని పూర్తిగా కొట్టేయలేం కదా.!
839867 795027Sweet site , super layout, genuinely clean and utilize genial . 526152