పవన్‌కు తోడు దొంగ సరోజ?

పవన్‌ కళ్యాణ్‌ 26వ చిత్రం బాలీవుడ్‌ హిట్‌ మూవీ పింక్‌కు రీమేక్‌ అనే విషయం తెల్సిందే. ఆ రీమేక్‌ వకీల్‌ సాబ్‌ షూటింగ్‌ దాదాపుగా పూర్తి అయ్యింది. ప్యాచ్‌ వర్క్‌ మినహా అంతా పూర్తి చేసినట్లుగా సినీ వర్గాల ద్వారా సమాచారం అందుతోంది. ఈ లాగ్‌ ఔట్‌ సమయంలో సినిమా పోస్ట్‌ ప్రొడక్షన్‌ వర్క్‌ కూడా పూర్తి చేస్తున్నట్లుగా తెలుస్తోంది. ఇదే సమయంలో పవన్‌ 27వ చిత్రం గురించిన వార్తలు సోషల్‌ మీడియాలో పలు వస్తున్నాయి.

ప్రస్తుతం దేశ వ్యాప్తంగా కరోనా కల్లోలం కొనసాగుతున్న నేపథ్యంలో సినిమాలకు తాత్కాలికంగా బ్రేక్‌ ఇవ్వాలనే ఉద్దేశ్యంతో పవన్‌ ఉన్నాడని అంటున్నారు. కరోనా పూర్తిగా పోయిన తర్వాత పవన్‌ సినిమా షూటింగ్‌ మొదలు పెట్టబోతున్నాడు. పవన్‌ 27వ చిత్రానికి క్రిష్‌ దర్శకత్వం వహించబోతున్న విషయం తెల్సిందే. ఆ సినిమాలో హీరోయిన్‌ ఎవరు అనే విషయంపై చాలా వార్తలు వస్తున్నాయి.

ఇక ఈ చిత్రంలో పవన్‌ కళ్యాణ్‌కు ఎవరు నటించే విషయం క్లారిటీ లేదు కాని కీలక పాత్రలో అనుష్క నటించబోతున్నట్లుగా సమాచారం అందుతోంది. క్రిష్‌ దర్శకత్వంలో గతంలో వచ్చిన వేదం సినిమాలో అనుష్క సరోజా పాత్రలో నటించి మెప్పించిన విషయం తెల్సిందే. ఆ సినిమా అనుష్కకు మంచి పేరు తెచ్చి పెట్టింది. అందుకే మళ్లీ క్రిష్‌ దర్శకత్వంలో సినిమా చేయాలని అనుష్క అనుకుంటోంది. అది హీరోయిన్‌ పాత్ర కాకున్నా పర్వాలేదు అన్నట్లుగా అనుష్క భావించడంతో పవన్‌ సినిమాలో అనుష్కకు కీలక పాత్ర ఇవ్వబోతున్నట్లుగా తెలుస్తోంది.

పవన్‌ కళ్యాణ్‌ ఈ చిత్రంలో ఒక మంచి దొంగగా కనిపించబోతున్నాడు. ఆయనకు తోడు దొంగ పాత్రలో అనుష్క ఉంటుందని అంటున్నారు. సినిమా ఫస్ట్‌ హాఫ్‌ లేదా సెకండ్‌ హాఫ్‌ లో మాత్రమే అనుష్క పాత్ర ఉంటుందని కాని సినిమాకు చాలా కీలకం అంటూ సినీ వర్గాల ద్వారా సమాచారం అందుతోంది. కీలక పాత్ర అవ్వడం వల్లే అనుష్క ఈ సినిమాలో నటించేందుకు ఒప్పుకుందనే టాక్‌ వినిపిస్తుంది.