టాలీవుడ్ ప్రముఖ నిర్మాత దిల్రాజు రెండవ పెళ్లి చేసుకోబోతున్నట్లుగా చాలా రోజులుగా వార్తలు వస్తున్నాయి. ఇండస్ట్రీ వర్గాల్లో చాలా మంది ఈ వార్తను దృవీకరించారు. పెళ్లి చేసుకోబోతున్నది ఎవరిని అనే విషయంలో కూడా మీడియాలో వార్తలు వచ్చాయి. మరి పెళ్లి క్యాన్సిల్ అయ్యిందో లేదంటే ఇంకొన్నాళ్ల తర్వాత పెళ్లి చేసుకోవాలనుకుంటున్నాడో కాని దిల్ రాజు ఆ వార్తలను కొట్టి పారేశాడు.
ఇటీవల దుబాయిలో వివాహం జరిగినట్లుగా వస్తున్న వార్తలపై ఆయన స్పందిస్తూ ప్రస్తుతానికి తనకు పెళ్లి చేసుకునే ఉద్దేశ్యం లేదు అన్నాడు. ప్రాణంగా ప్రేమించిన భార్య మరణం నుండి ఇంకా తాను తేరుకోలేక పోతున్నట్లుగా ఆయన చెప్పుకొచ్చాడు. ప్రస్తుతం వరుసగా చిత్రాలను నిర్మిస్తూ బిజీగా ఉన్నాను. ఒంటరి తనం అనేది నా వద్దకు రాకుండా నేను బిజీగా ఉన్నాను అన్నాడు. పెళ్లి చేసుకునే ఉద్దేశ్యం తనకు లేకున్నా కూడా మీడియాలో ఇలాంటి వార్తలు ప్రచారం చేస్తున్నారంటూ ఆయన ఆగ్రహం వ్యక్తం చేశాడు.
దిల్ రాజు పెళ్లి వార్తలపై చేసిన వ్యాఖ్యలను చాలా మంది నమ్మడం లేదు. ఎందుకంటే నిప్పు లేనిదే పొగ రాదు అంటారు. అసు ఇలాంటి విషయాల్లో అస్సలు ఇలాంటి వార్తలు రావు. ఏదైనా చిన్న క్లూ ఉంటేనే దాన్ని బట్టి వార్తలు వస్తాయి. కనుక ఖచ్చితంగా దిల్ రాజు పెళ్లి చర్చలు అయితే జరిగాయని కొందరు అంటున్నారు. మరి నిజంగా పెళ్లి వార్తలు గాలి వార్తలేనా అనేది దిల్రాజును నెటిజన్స్ సూటిగా ప్రశ్నిస్తున్నారు.