Robot: టెక్నాలజీ లోపాలు ఒక్కోసారి ఎంతటి ఉపద్రవాలకు కారణమవుతాయో తెలిపే సంఘటన దక్షిణ కొరియా (South Korea) లో జరిగింది. వ్యవసాయ ఉత్పత్తుల ఫ్యాక్టరీలో అమర్చిన ఇండస్ట్రియల్ రోబో (Industrial Robot) చేసిన పనికి ఓ వ్యక్తి మరణానికి కారణమైంది. వివరాల్లోకి వెళ్తే..
వెజిటబుల్ కంపెనీ ఫ్యాక్టరీలో ఇండస్ట్రియల్ రోబోను అమర్చారు. కూరగాయల పెట్టెను బలంగా బెల్ట్ పై పడేయాలి. కానీ.. రోబో మనిషిని కూరగాయల పెట్టెగా భావించి అతడిని ఎత్తి బలంగా బెల్టుపై పడేసింది. దీంతో అతడి ముఖం, ఛాతీకి తీవ్ర గాయాలాయ్యాయి. వెంటనే ఆసుపత్రికి తరలించినా అతడు మరణించాడు.
మనిషిని రోబో పెట్టెలా భావించడంతోనే ప్రమాదం జరిగిందని పోలీసుల నిర్ధారించారు. అయితే.. రోబోలో సాంకేతిక సమస్య ఉందని రెండు రోజుల క్రితమే సిబ్బంది గుర్తించి సదరు కంపెనీకి సమాచారం ఇచ్చారు. దానిని మరమ్మత్తు చేస్తున్న వ్యక్తినే రోబో పొరబడిందని కంపెనీ పేర్కొంది. సౌత్ కొరియాలో ఇటువంటి ప్రమాదమే మార్చిలో ఓ వాహన తయారీ సంస్థలో జరిగి ఓ కార్మికుడు తీవ్రంగా గాయపడ్డాడు.