నిజామాబాద్ లో బీఆర్ఎస్ చేపట్టిన ఎన్నికల ప్రచార కార్యక్రమంలో స్వల్ప అపశృతి చోటుచేసుకుంది. ఆ పార్టీ అభ్యర్థి జీవన్ రెడ్డి నామినేషన్ కార్యక్రమంలో కేటీఆర్( KTR) పాల్గొన్నారు. ర్యాలీగా రిటర్నింగ్ అధికారి కార్యాలయానికి వెళ్లే క్రమంలో వచ్చార వాహనంపై బయలుదేరారు. వాహన డ్రైవర్ సడన్ బ్రేక్ వేయడంతో వాహనం మీద ఉన్న గ్రిల్ విరిగి కేటీఆర్, జీవన్ రెడ్డి సహా మరికొందరు నాయకులు కింద పడిపోయారు. వెంటనే అప్రమత్తమైన భద్రత సిబ్బంది కేటీఆర్ ని పట్టుకున్నారు. ఈ ప్రమాదంలో ఆయనకి స్వల్ప గాయాలు అయ్యాయి.
ప్రమాదం తప్పడంతో కేటీఆర్, జీవన్ రెడ్డి తో కలిసి నామినేషన్ కార్యాలయానికి వెళ్లారు. ఈ ప్రమాదం పై కేటీఆర్ స్పందిస్తూ.. అదృష్టవశాత్తు తనకేమీ కాలేదని, తన ఆరోగ్యం పై ఆందోళన పడొద్దని చెప్పారు.అనంతరం ఆయన కొడంగల్ రోడ్ షో లో పాల్గొనడానికి వెళ్లారు.