నందమూరి బాలకృష్ణ హీరోగా నటించిన భగవంత్ కేసరి ఈ దసరాకు విడుదలైన సంగతి తెల్సిందే. ఈ సినిమా మొదటి రోజు డీసెంట్ టాక్ తెచ్చుకున్నా కానీ విజయ్ లియో ముందు కొంచెం డౌన్ అయినట్లు కనిపించింది. అయితే భగవంత్ కేసరికి ఫ్యామిలీ ఆడియన్స్ సపోర్ట్ దక్కింది. శ్రీలీల పాత్ర సెంటిమెంట్, గుడ్ టచ్, బ్యాడ్ టచ్ కాన్సెప్ట్ వంటివి ఫ్యామిలీ ఆడియన్స్ కు బాగా కనెక్ట్ అవుతున్నాయి.
మొదటి రోజు ఈ సినిమా సాధించిన వసూళ్లు మళ్ళీ ఆరో రోజు నమోదయ్యాయి. దసరా సెలవులను పూర్తిగా సద్వినియోగం చేసుకుంటూ ఈ చిత్రం ఇప్పటికే 51 కోట్ల షేర్ ను వసూలు చేసింది. భగవంత్ కేసరి బ్రేక్ ఈవెన్ అవ్వాలంటే ఇంకా 19 కోట్లు వసూలు చేయాల్సి ఉంటుంది.
వీకెండ్ దాకా డ్రాప్స్ కంట్రోల్ చేయగలిగితే కేసరికి ఇదేమంత పెద్ద విషయం కాకపోవచ్చు. బుధవారం నుండి ఈ చిత్ర వసూళ్లు ఎలా ఉంటాయన్నదానిపై భగవంత్ కేసరి స్టేటస్ ఆధారపడి ఉంది.