Brazil: భార్యకు అందాల కిరీటం (Crown) దక్కలేదని విజేతకు అలంకరించాల్సిన కిరీటాన్ని నేలకేసి కొట్టాడో వ్యక్తి. బ్రెజిల్లో (Brazil) ఓ అందాల పోటీ ఫైనల్లో ఊహించని పరిణామంతో అక్కడున్న వారంతా షాక్ కు గురయ్యారు. ఇందుకు సంబంధించిన వీడియో వైరల్ అయింది. వివరాల్లోకి వెళ్తే..
బ్రెజిల్ లో ‘మిస్ గే మాటో గ్రాసో-2023’ (Miss Gay mato Grosso-2023) అందాల పోటీలు (Beauty Pegeant) జరిగాయి. ఫైనల్ కు నథాలీ బెకర్, ఇమ్యాన్యుయెల్ బెలీ చేరుకున్నారు. విజేతగా బెలీ నిలిచారు. బెకర్ రన్నరప్ గా నిలిచింది. ఇది తట్టుకోలేని బెకర్ భర్త.. విజేతకు కిరీటం అలంకరించబోతూండగా స్టేజీ పైకి వచ్చి కిరీటాన్ని లాక్కుని నేలకేసి బలంగా కొట్టాడు. దీంతో అక్కడున్నవారు ఒక్కసారిగా నిశ్చేష్టులయ్యారు.
తర్వాత తన భార్యను అక్కడి నుంచి తీసుకెళ్లిపోయాడు. వెళ్తూ.. వెళ్తూ మళ్లీ కిరీటాన్ని నేలకేసి కొట్టాడు. వెంటనే భధ్రతా సిబ్బంది ఆ వ్యక్తిని పక్కకు తీసుకెళ్లారు. తన భార్యకు అన్యాయం జరిగిందని అతడు భావించాడని.. కానీ, న్యాయ నిర్ణేతలు సరైన నిర్ణయం తీసుకున్నారని నిర్వాహకులు ప్రకటించారు. ఘటనను తీవ్రంగా ఖండించారు.