అబార్షన్‌పై సుప్రీంకోర్టు సంచలన తీర్పు.. ప్రైవేట్‌ హాస్పటిల్స్ కి పండగే

పెళ్లి కాలేదు అన్న కారణంతో అమ్మాయిలకు ఇన్నాళ్లు అధికారికంగా ఆసుపత్రి లు అబార్షన్స్ చేయడం లేదు. ఒకవేళ పెళ్లి కానీ అమ్మాయిలకు అబార్షన్ చేస్తే సదరు హాస్పిటల్స్ పై చట్టపరమైన చర్యలు తీసుకుంటున్నారు. ఈ విషయమై గత కొన్నాళ్లుగా చర్చలు జరుగుతున్నాయి. మారుతున్న కాలం అనుగుణంగా చట్టం మారాలని ఉద్దేశంతో పెళ్లి కానీ అమ్మాయిలకు అబార్షన్ చేయించుకునే వీలు కల్పిస్తూ సుప్రీంకోర్టు సంచలన తీర్పు ఇచ్చింది.

అబార్షన్ చట్టం ప్రకారం వివాహితులు అవిగాహితులు అనే తేడా లేదని సుప్రీంకోర్టు పేర్కొంది. గర్భం దాల్చిన 24 వారాల వరకు అబార్షన్ చేయించుకోవచ్చు అంటూ తాజా తీర్పులో పెళ్ళి కాని అమ్మాయిలకు ఒక శుభవార్త అన్నట్లుగానే చెప్పింది. ఇది అమ్మాయిల కంటే కూడా ప్రైవేట్ హాస్పిటల్స్ వారికి శుభవార్త అని చెప్పుకోవచ్చు.

సాధారణంగా అబార్షన్స్ అంటే చట్టపరంగా నేరం కనుక ప్రైవేట్ హాస్పిటల్స్ అధికారికంగా చేయడం లేదు, ఇప్పుడు సుప్రీంకోర్టు తీర్పు వచ్చిన నేపథ్యంలో ప్రైవేట్ హాస్పిటల్స్ భారీ ఫీజు వసూలు చేసి అబార్షన్స్ చేసేందుకు సిద్ధమవుతాయి. దీంతో ఫీజులతో ప్రైవేట్ హాస్పిటల్స్ కి పండగే అంటూ సామాజికవేత్తలు అభిప్రాయం వ్యక్తం చేస్తున్నారు.