75ఏళ్ల స్వంతంత్ర భారతావని విజయాలు గూగుల్ 2 నిమిషాల వీడియోలో..

భారతదేశానికి స్వాతంత్రం వచ్చి 75 ఏళ్లు అవుతున్న సందర్భంగా ఈ ఆగష్టు 15ను ఘనంగా నిర్వహించుకుంటోంది యావత్ దేశం. ఇప్పటికే ఆజాదీకా అమృత్ మహోత్సవ్ పేరుతో హర్ ఘర్ తిరంగా కార్యక్రమాన్ని నిర్వహిస్తోంది కేంద్రం. ఈక్రమంలో 75 ఏళ్ల కాలంలో స్వతంత్ర భారతావని సాధించిన ఘనతలను, విజయాలను రెండు నిముషాల వీడియోలో ‘ఇండియాకి ఉడాన్’ పేరుతో విడుదల చేసింది గూగుల్.

స్వాతంత్రం సాధించిన తర్వాత భారతీయుల ఆనందం, రాజ్యాంగం రూపొందించుకోవడం, తొలి ఎన్నికల నిర్వహణ, అంతరిక్షంలోకి శాటిలైట్లు పంపించడం, భారత్ తొలి కంప్యూటర్, వరల్డ్ కప్ క్రికెట్ విజయం, టెక్నాలజీలో అభివృద్ధి, సినిమా, క్రీడలు, డిజిటల్ చెల్లింపులు, విద్య.. ఇలా అనేక అంశాల్లో భారత్ సాధించిన విజయాలను వీడియోలో చూపించారు.

హరిత విప్లవం, నీటి ప్రాజెక్టులు, భారతీయుల తొలి ఆస్కార్ విజయం, పారిశ్రామిక ఎదుగుదల, పోలియో రహిత భారత్.. ఇలా ఎన్నో భారతదేశ ఘనతలను చూపించారు. మహాత్మా గాంధీ, నెహ్రూ, సర్ధార్ వల్లభాయ్ పటేల్, అంబేద్కర్.. మహనీయుల్ని చూపారు.