బాబు ఏం చేసినా వాళ్లకు నచ్చడం లేదు…!!

చంద్రబాబు నాయుడు ఎన్నికల్లో ఓటమిపాలయ్యాక ప్రతి ఒక్కరు కూడా ఆయన్ను విమర్శించడం మొదలుపెడుతున్నారు. సొంత పార్టీ నుంచే బాబుకు మద్దతు కరువైంది. వైకాపాలో ఉన్న యూనిటీ టీడీపీలో కనిపించడం లేదు. ప్రతిపక్షంలో ఉప్పప్పుడు అడ్డంకులు ఎదురు కావడం సహజమే. అలాంటి సమయంలోనే పార్టీ మొత్తం ఒక్కటిగా మారి సమస్యలను ఎదుర్కొంటు ముందుకు సాగాలి. కానీ, తెలుగుదేశం పార్టీలో ఇప్పుడు ఆ యూనిటీ కరువైంది.

బాబుకు అడ్డంకులు కలిగిస్తున్న ప్రభుత్వంపై విమర్శలు చేస్తున్నా వాటిని ప్రజల్లోకి తీసుకెళ్లలేకపోతున్నారు. కారణం చాలా ఉన్నాయి. ప్రజలు టీడీపీ చెప్పే మాటలను నమ్మలేకపోవడం ఇందులో ప్రధాన కారణం. టీడీపీ ఏదైనా స్టెప్ తీసుకుంటే, వెంటనే దానికి వ్యతిరేకంగా ప్రజలకు ఉపయోగపడే విధంగా వైకాపా పధకాలు వేస్తున్నది. దానికి ఓ ఉదాహరణ అమరావతి భూములు.

అమరావతి భూముల విషయంలో రైతుల నుంచి వ్యతిరేకత వస్తున్న సంగతి తెలిసిందే. అమరావతిలో రాజధానిని ఉంచాలని తెలుగుదేశం పార్టీ, రాజధాని రైతులు పట్టుబడుతున్నారు. ఇదే సమయంలో అమరావతిలో ఉన్న భూములను పేదలకు పంచేందుకు ప్రభుత్వం సిద్ధం అయ్యింది. ప్రజలకు భూములు ఇచ్చేందుకు సిద్ధం అయ్యింది. అర్హులైన గుంటూరు, విజయవాడ జిల్లాలకు చెందిన పేదలకు అమరావతి భూములు ఇస్తున్నట్టు ప్రకటించింది. ఇది టీడీపీ కొంత ఇబ్బంది కలిగించే అంశమే. రాజధానిలో ఉద్రిక్తతలను తగ్గించేందుకు ప్రభుత్వం ఈ నిర్ణయం తీసుకుందని అనుకోవచ్చు.